അടൂര്‍ പ്രകാശിനെതിരെ വീണ്ടും വിജിലന്‍സ് അന്വേഷണം

തിരുവനന്തപുരം: മുന്‍ ഭക്ഷ്യമന്ത്രി അടൂര്‍ പ്രകാശിനെതിരെ വീണ്ടും വിജിലന്‍സ് അന്വേഷണം. ആഭ്യന്തര മന്ത്രി കോടിയേരി ബാലകൃഷ്ണനാണ് അന്വേഷണത്തിന് ഉത്തരവ് പുറപ്പെടുവിച്ചത്.

സപ്ലൈകോ, ലാഭം സൂപ്പര്‍മാര്‍ക്കറ്റ് എന്നിവിടങ്ങളിലേക്ക് ഗുണനിലവാരം കുറഞ്ഞ ഉല്‍പ്പന്നങ്ങള്‍ കൂടുതല്‍ വിലയ്ക്ക് വാങ്ങി വിതരണം ചെയ്തുവെന്ന കേസിലാണ് അന്വേഷണം. സ്വകാര്യവ്യക്തിയാണ് ഈ ആരോപണമുന്നയിച്ച് ഹര്‍ജി നല്‍കിയത്.

റേഷന്‍ മൊത്ത വിതരണ കേന്ദ്രങ്ങള്‍ അനുവദിച്ചതിലെ ക്രമക്കേടുമായി ബന്ധപ്പെട്ട് അടൂരിനെതിരേ അന്വേഷണത്തിന് വിജിലന്‍സ് കോടതി വെളളിയാഴ്ച ഉത്തരവിട്ടിരുന്നു.