കാര്യങ്ങൾ അതിവേഗം അറിയാൻ
For Daily Alerts
പാര്ട്ടിയെ അവഹേളിയ്ക്കുന്നവരെ നേരിടും: പിണറായി
കോഴിക്കോട്: സിപിഎം അഴകൊഴന്പന് പാര്ട്ടിയല്ലെന്ന് പാര്ട്ടി സംസ്ഥാന സെക്രട്ടറി പിണറായി വിജയന്.
കവിതയിലൂടെയായാലും പാര്ട്ടിയെ തകര്ക്കാന് ശ്രമിയ്ക്കുന്നവര്ക്കെതിരെ നടപടിയെടുക്കും. പാര്ട്ടിയെ അവഹേളിച്ച് കവിതയെഴുതിയതിന്റെ പേരില് നടപടി നേരിടുന്ന കവി കെ.സി ഉമേഷ് ബാബുവിനെ സഹായിക്കാന് വരുന്ന നിഷ്പക്ഷമതികളെയും വേണ്ടവിധത്തില് നേരിടും- അദ്ദേഹം പറഞ്ഞു.
ഉമേഷ് ബാബു ഒരു പാര്ട്ടിയെപ്പറ്റി പറയുന്പോള് അതേത് പാര്ട്ടിയാണെന്ന് എല്ലാവര്ക്കും മനസിലാകും. പാര്ട്ടിയെ അവഹേളിക്കാന് മാത്രമാണ് ഉമേഷ് ബാബു ആ കവിത എഴുതിയത്. ജനശക്തി പാര്ട്ടിവിരുദ്ധ പ്രസിദ്ധീകരണമാണ്.എന്നാല് ഇത്തരം കാര്യങ്ങള് ഒരു ഭീഷണിയായി കാണുന്നില്ല- വിജയന് പറഞ്ഞു.
Comments
Story first published: Monday, April 30, 2007, 23:53 [IST]