എസ്എടി : മുതലെടുപ്പ് ചെറുക്കണമെന്ന് വിഎസ്

തിരുവനന്തപുരം എസ് എ ടി ആശുപത്രിയിലെ നവജാതശിശുക്കള്‍ അണുബാധയേറ്റ് മരിക്കാനിടയായ സാഹചര്യം പൊതുജനാരോഗ്യ സ്ഥാപനങ്ങള്‍ക്കു നേരെയുളള ആയുധമായി ഉപയോഗിക്കപ്പെടുന്നതിനെതിരെ കരുതിയിരിക്കണമെന്ന് വി എസ് അച്യുതാനന്ദന്‍.

ദേശീയ ഗ്രാമീണാരോഗ്യ മിഷന്‍റെ സംസ്ഥാനതല സമ്മേളനത്തില്‍ സംസാരിക്കുകയായിരുന്നു അദ്ദേഹം.

അത്യന്തം ദൗര‍ഭാഗ്യകരമായ സാഹചര്യമാണ് എസ് എ ടിയില്‍ നിന്നും പുറത്തുവന്നിട്ടുളളത്. ഇത് പരിഹരിക്കേണ്ടതാണ്. എന്നാല്‍ സ്വകാര്യ ആശുപത്രി ലോബി ഇതു മുതലെടുക്കാന്‍ അനുവദിക്കരുതെന്ന് അച്യുതാനന്ദന്‍ ഡോക്ടര്‍മാരെയും മറ്റു ജീവനക്കാരെയും ഓര്‍മ്മിപ്പിച്ചു.