Click it and Unblock the Notifications
Just In
Don't Miss
-
ചുവപ്പ് മാത്രമല്ല, 'വെള്ള' കണ്ടാലും കലിപ്പ്! വൈറ്റ് എല്ഇഡി ലൈറ്റുള്ള വാഹനങ്ങള്ക്ക് പണി കിട്ടും -
IPL 2024: 8ല് 4ലും തോറ്റു, സിഎസ്‌കെയ്ക്ക് പ്ലേ ഓഫിലെത്താനാവുമോ? സാധ്യകള് ഇങ്ങനെ -
ഷൈന് ടോം തോച്ചോ? മറുപടി നല്കി തനു; ബ്രേക്കപ്പ് വാർത്തകള്ക്കിടെ ചര്ച്ചയായി മറുപടികള് -
ഫോൺ പൊട്ടിത്തെറിക്കുമോ എന്ന് പേടിയുണ്ടോ? പ്രഷർ കൂട്ടേണ്ട! ഇക്കാര്യങ്ങൾ ശ്രദ്ധിച്ചാൽ മതി -
മേയ് സമ്പൂര്ണഫലം: ശനി വര്ഷത്തില് അതിഗംഭീര നേട്ടങ്ങള്ക്ക് തുടക്കം -
മുന്നേറ്റം തുടരാൻ ഗ്രീൻ സ്റ്റോക്ക്, വളർച്ച 37 ശതമാനം വരെ, ഓഹരി വാങ്ങാൻ ബ്രോക്കറേജ് നിർദ്ദേശം -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി
എസ്‌എംഇ റാഗിംഗ്‌ കേസ്‌ : വാദം ജൂണ്‍ 25ലേയ്‌ക്ക്‌ മാറ്റി
പത്തനംതിട്ട: ജില്ലയില്‍ 27 പേരില്‍ ചിക്കുന്‍ഗുനിയ രോഗബാധ കണ്ടെത്തിയതായി റിപ്പോര്‍ട്ട്‌. ആലപ്പുഴ വൈറോളജി ലാബില്‍ നടത്തിയ രക്തപരിശോധനയിലാണ്‌ ചിക്കുന്‍ ഗുനിയയുടെ വൈറസ്‌ കണ്ടെത്തിയത്‌. ഇതു സംബന്ധിച്ച്‌ ഔദ്യോഗിക റിപ്പോര്‍ട്ട്‌ ലഭിച്ചിട്ടില്ലെന്ന്‌ പത്തനംതിട്ട ഡിഎംഒ ഡോ.എന്‍. ദാമോദരന്‍ പറഞ്ഞു.
എന്നാല്‍ മന്ത്രി പി.കെ ശ്രീമതി തിങ്കളാഴ്ച തിരുവനന്തപുരത്ത്‌ നടത്തിയ പ്രസ്‌താവനയില്‍ പത്തനംതിട്ടയില്‍ രോഗബാധയുളളതായി അറിയിച്ചിരുന്നു. ചിക്കുന്‍ഗുനിയ ലക്ഷണത്തോടെയുളള പനി ബാധിച്ച്‌ മൂന്നാഴ്‌ചയ്‌ക്കുളളില്‍ പത്തനംതിട്ട ജില്ലയില്‍ മൂന്നുപേര്‍ മരണമടഞ്ഞിട്ടുണ്ട്‌. ഇവരുടെ രക്തപരിശോധനയുടെ ഫലവും വന്നിട്ടില്ല.
ജില്ലയിലെ പല ആശുപത്രികളിലും രോഗലക്ഷണങ്ങളുമായി നൂറുകണക്കിനാളുകള്‍ ചികിത്സ തേടുന്നുണ്ട്‌. കിഴക്കന്‍ മേഖലയില്‍ പനി രൂക്ഷമായതിനെ തുടര്‍ന്ന്‌ ആരോഗ്യവകുപ്പ്‌ പ്രത്യേക സംഘത്തെ നിയോഗിച്ചിരിക്കുകയാണ്‌.
കഴിഞ്ഞ മൂന്നാഴ്‌ചയായി പത്തനംതിട്ട ജില്ലയുടെ കിഴക്കന്‍ മേഖലയില്‍ ചിക്കുന്‍ഗുനിയ രോഗ ലക്ഷണത്തോടുകൂടിയ പനി പടരുകയാണ്‌. ചിറ്റാര്‍, സീതത്തോട്‌, പെരുനാട്‌ ഗ്രാമപഞ്ചായത്ത്‌ പ്രദേശങ്ങളില്‍ നിന്നാണ്‌ ഇത്‌ റിപ്പോര്‍ട്ട ചെയ്യപ്പെട്ടത്‌.
ഗ്രാമീണ പ്രാഥമികാരോഗ്യ കേന്ദ്രങ്ങളിലും, പത്തനംതിട്ട ജനറല്‍ ആശുപത്രി, ജില്ലാ ആശുപത്രി എന്നിവിടങ്ങളിലും ചികിത്സ തേടിയെത്തിയവരില്‍ 152 പേരുടെ രക്തം പരിശോധനയ്‌ക്കായി വൈറോളജി ലാബിലേക്ക്‌ അയച്ചിരുന്നു. ഇവരില്‍ ചിലരുടെ രക്തം പൂനെയിലെ വൈറോളജി ലാബിലേക്കും അയച്ചിട്ടുണ്ട്‌.
രക്തപരിശോധനയുടെ ഫലം ഔദ്യോഗികമായി വരാത്തതിനാല്‍ രോഗബാധ സംബന്ധിച്ച്‌ ഔദ്യോഗിക വിശദീകരണം ആരോഗ്യവകുപ്പ്‌ നല്‍കിയിട്ടില്ല.
