എല്ഡിഎഫിന് ഇരട്ടത്താപ്പെന്ന് പി.ജെ ജോസഫ്
കോട്ടയം: ഇടതുമുന്നണിയില് ഘടകക്ഷികളോട് ഇരട്ടത്താപ്പാണെന്ന് കേരളാ കോണ്ഗ്രസ് ജോസഫ് ഗ്രൂപ്പ് അധ്യക്ഷന് പി.ജെ ജോസഫ്.
ആരോപണങ്ങള്ക്ക് വിധേയരായ ടി.യു കുരുവിളയോടും ബിനോയ് വിശ്വത്തോടും മുന്നണിയ്ക്ക് രണ്ട് സമീപനമാണുള്ളത്. ഇക്കാര്യത്തിലുള്ള വിയോജിപ്പ് 20ന് ചേരുന്ന എല്ഡിഎഫ് യോഗത്തില് അവതരിപ്പിയ്ക്കും.
അതിന്ശേഷം ചേരുന്ന പാര്ട്ടിയുടെ ഉന്നതാധികാര കമ്മറ്റി യോഗത്തില് മാത്രമേ പുതിയ മന്ത്രിയുടെ കാര്യം തീരുമാനിയ്ക്കുകയുള്ളു- ജോസഫ് അറിയിച്ചു. പാര്ട്ടി സംസ്ഥാന നേതൃയോഗത്തിന് ശേഷം മാധ്യമപ്രവര്ത്തകരോട് കാര്യങ്ങള് വിശദീകരിയ്ക്കവേയാണ് ജോസഫ് ഇക്കാര്യം പറഞ്ഞത്.
മന്ത്രിസ്ഥാനമല്ല ഞങ്ങളുടെ പ്രശ്നം. മന്ത്രിയാരെന്ന് ഒരു മണിക്കൂര് കൊണ്ട് ഞങ്ങള്ക്ക് തീരുമാനിയ്ക്കാന് കഴിയും. മന്ത്രി സ്ഥാനത്തിന് ഞങ്ങളുടെ നാല് എംഎല്എ മാരും അര്ഹരാണ്. ഇവരില് ആരെങ്കിലും മന്ത്രിയാകും.
എനിയ്ക്കു കൂടുതല് യോഗ്യതയൊന്നുമില്ല. മറ്റുള്ളവര്ക്കൊക്കെയുള്ള യോഗ്യതയേയുള്ളു. മന്ത്രിയാരെന്നതല്ല, അഭിമാനകരമായി മന്ത്രിസ്ഥാനത്ത് ഇരിക്കാന് കഴിയുക, ഭരിക്കാന് കഴിയുക എന്നതാണ് കാര്യം.
പൊതുമരാമത്ത് മന്ത്രിയല്ലേ, ഇരുന്നാല് പോരല്ലോ, റോഡു നന്നാക്കാന് കഴിയണമല്ലോ.കുറച്ചു ദിവസം കൂടി കേരളാ കോണ്ഗ്രസുകാരന് പൊതുമരാമത്ത് ഭരിക്കാന് വരാതിരിക്കുന്നതാണ് നല്ലത്. അത്രയും പണം റോഡുകള്ക്ക് ലഭിക്കുമല്ലോ-ജോസഫ് പറഞ്ഞു.
കുരുവിള പ്രശ്നത്തില് നീതിയുണ്ടായില്ലായെന്ന് അന്നുതന്നെ ഞങ്ങള്ക്ക് അഭിപ്രായമുണ്ടായിരുന്നു. അത് കുറച്ചുകൂടി ശക്തമായി ഉന്നയിക്കാനുള്ള രാഷ്ട്രീയ സാഹചര്യം ഇപ്പോഴുണ്ട്.
എന്റെപേരില്
വിമാന
യാത്രാ
വിവാദമുണ്ടായപ്പോള്
എല്ഡിഎഫില്
നിന്ന്
നീതി
ലഭിച്ചു.
എന്നാല്
അത്
കുരുവിളയുടെ
കാര്യത്തിലുണ്ടായില്ല.
ഇക്കാര്യങ്ങള്
വിശദമായി
ചര്ച്ച
ചെയ്യണ-
അദ്ദേഹം
വിശദീകരിച്ചു.