കേരളത്തില് നിന്നും ചിക്കുന്ഗുനിയ വിമാനം കയറുന്നു
ദില്ലി: ഇന്ത്യക്കാരന് ഇറ്റലിയില് ചിക്കുന്ഗുനിയ രോഗം പടര്ത്തിയതായി കണ്ടെത്തി. റവേണ പ്രവിശ്യയിലെ കാസ്റ്റിഗ്ല്യോണ് നഗരത്തില് ബന്ധുക്കളെ കാണാനെത്തിയ ഇന്ത്യക്കാരനാണ് ഇറ്റലിയില് ചിക്കുന് ഗുനിയ പടര്ത്തിയതെന്നാണ് അധികൃതരുടെ കണ്ടെത്തല്.
ഇറ്റലിയിലേയ്ക്ക് വരുന്നതിന് തൊട്ടു മുമ്പ് ഈ ഇന്ത്യക്കാരന് കേരളത്തില് സന്ദര്ശനം നടത്തിയിരുന്നു. കേരളം ഏറ്റവും കൂടുതല് ചിക്കുന്ഗുനിയ ബാധിതരുള്ള സ്ഥലമാണ്. അവിടെനിന്നുള്ള കൊതുകടിയേറ്റാണ് ഈ സന്ദര്ശകന് രോഗം പടര്ന്നതെന്നാണ് സംശയിക്കന്നത്- യൂറോപ്യന് സെന്റര്ഫോര് ഡിസീസ് കണ്ട്രോളിലെ വിദഗ്ധര് പറയുന്നു.
ഇറ്റലിയില് ചിക്കുന്ഗുനിയ കണ്ടെത്തിയതിനെത്തുടര്ന്ന് അധികൃതര് യൂറോപ്പില് മൊത്തം ജാഗ്രത പുലര്ത്തുകയാണ്. ബ്രിട്ടന്, ഫ്രാന്സ്, സ്പെയിന്, സ്വിറ്റ്സര്ലാന്റ് എന്നിവിടങ്ങളില് ഈ രോഗം പടര്ന്നു പിടിക്കുമോ എന്ന ഭീതിയിലാണ് അധികൃതര്. ഇറ്റലിയില് ഇപ്പോള് 78 പേരില് രോഗം സ്ഥിരീകരിച്ചിട്ടുണ്ട്.
ഇതാദ്യമായാണ് ഇറ്റലിയില് ഈ രോഗം റിപ്പോര്ട്ട് ചെയ്യപ്പെടുന്നത്. ഏഷ്യയിലും ആഫ്രിക്കയിലും രോഗം പടര്ന്നുപിടിച്ചുണ്ടായ സാഹചര്യങ്ങള് വിലയിരുത്തുമ്പോള് യൂറോപ്പിലുള്ള കൊതുകകളിലും വൈറസ് ബാധിയ്ക്കുമെന്നും താമസിയ്ക്കാതെ രോഗം പടര്ന്നു പിടിയ്ക്കുമെന്നുമാണ് വിലയിരുത്തപ്പെടുന്നതെന്ന് ആരോഗ്യ വിദഗ്ധര് പറയുന്നു.
ബന്ധപ്പെട്ട വാര്ത്തകള്
Click it and Unblock the Notifications
Sign in with Google