സര്‍ക്കാരിന് തത്കാലം ഭീഷണിയില്ല

ദില്ലി: യുപിഎ സര്‍ക്കാരിനുള്ള ഭീഷണി താത്കാലികമായി അയഞ്ഞു. അന്താരാഷ്ട്ര ആണവ കരാറിനെ കുറിച്ചുള്ള യുപിഎ-ഇടതു ചര്‍ച്ചകള്‍ അവസാനിക്കുന്നതിനു മുമ്പ് ആണവോര്‍ജ ഏജന്‍സിയുമായി സര്‍ക്കാര്‍ ചര്‍ച്ച നടത്തില്ലെന്ന് ഉറപ്പു ലഭിച്ചതായി സിപിഐ ജനറല്‍ സെക്രട്ടറി എ.ബി.ബര്‍ദാന്‍ അറിയിച്ചു.

ഒക്ടോബര്‍ 22ന് ആണവ കരാറിനെ കുറിച്ച് യുപിഎ-ഇടതു യോഗം വീണ്ടും ചര്‍ച്ച ചെയ്യും. സര്‍ക്കാരിന് ഭീഷണിയൊന്നുമില്ലെന്നും ഇടക്കാല തിരഞ്ഞെടുപ്പിന് സാധ്യതയില്ലെന്നും ആര്‍ജെഡി നേതാവ് ലാലു പ്രസാദ് യാദവ് പറഞ്ഞു.

പുതിയ സാഹചര്യം വിലയിരുത്തുന്നതിനായി ഇടതുപാര്‍ട്ടികളുടെ യോഗം ചൊവ്വാഴ്ച വൈകീട്ട് നടക്കുന്നുണ്ട്.