കൊച്ചിയിലെ അക്രമത്തിന് പിന്നില് മുരളിയല്ലെന്ന് കരുണാകരന്
തിരുവനന്തപുരം: കൊച്ചിയില് നേതാക്കളുടെ യോഗത്തിനിടെ സംഘട്ടനമുണ്ടായത് നിര്ഭാഗ്യകരമായിപ്പോയെന്ന് കെ. കരുണാകരന്. ഈ സംഭവത്തിന് പിന്നില് മുരളീധരന് പങ്കുണ്ടാവില്ലെന്നും ലീഡര് പറഞ്ഞു.
മുരളി എന്റെ മകനാണ്. അവന് ഇങ്ങനെ പ്രവര്ത്തിക്കില്ല. അവനെ എനിയ്ക്കറിയാം. മുരളിയും ഒരുനാള് എന്നോടൊപ്പം വരും- അദ്ദേഹം പറഞ്ഞു.
കോണ്ഗ്രസ് സംസ്കാരമുള്ളവര്ക്ക് ഇങ്ങനെ പെരുമാറാന് കഴിയില്ല. ഇത് ഒറ്റപ്പെട്ട സംഭവമാണ്. ഇത്തരം അക്രമങ്ങള് സംഭവിക്കാന് പാടില്ലാത്തതാണ്.
ഇത്തരക്കാരെ സമൂഹത്തില് ഒറ്റപ്പെടുത്തണം, അവര്ക്ക് പാര്ട്ടിയില് പ്രാഥമികാംഗത്വം പോലും നല്കാന് പാടില്ല- കരുണാരന് പറഞ്ഞു. തിരുവനന്തപുരത്ത് പത്രസമ്മേളനത്തില് സംസാരിക്കുകയായിരുന്നു അദ്ദേഹം.
ഇതിനിടെ കൊച്ചിയില് നടന്ന യോഗത്തില് അക്രമം നടത്തിയത് എന്സിപി പ്രവര്ത്തകരല്ലെന്നും അത് ആശയസംഘട്ടനം മാത്രമാണെന്നും മുരളീധരന് വ്യക്തമാക്കി.
Click it and Unblock the Notifications
Sign in with Google