സിബി മാത്യൂസ് വധശ്രമക്കേസില് മണിച്ചന് കുറ്റക്കാരന്
തിരുവനന്തപുരം: വിജിലന്സ് അഡീഷണല് ഡിജിപി സിബി മാത്യൂസിനെ വധിയ്ക്കാന് ഗൂഢാലോചന നടത്തിയ കേസില് മദ്യവ്യവസായി മണിച്ചന് കുറ്റക്കാരനാണെന്ന് ജില്ലാ സെക്ഷന്സ് കോടതി കണ്ടെത്തി.
കല്ലുവാതുക്കല് മദ്യ ദുരന്തം ഉണ്ടയാതിനെ തുടര്ന്ന് അന്നത്തെ ഐജിയായിരുന്ന സിബി മാത്യൂസിന്റെ നേതൃത്വത്തില് മണിച്ചന്റെ വീട്ടില് നിന്നും ഗോഡൗണുകളില് നിന്നും കോടിക്കണക്കിന് രൂപയുടെ സ്പിരിറ്റ് കണ്ടെത്തിയ അന്വേഷണ റിപ്പോര്ട്ടില്മേലാണ് മണിച്ചന് ജയിലിലായത്.
ഇതിന്റെ വൈരാഗ്യമാണ് സിബി മാത്യൂസിനെ കൊലപ്പെടുത്തുന്നതിന് പദ്ധിതയിടാന് കാരണം. ജയിലില് സഹതടവുകാരനായിരുന്ന സുന്ദരത്തെ സിബി മാത്യൂസിനെ കൊല്ലാന് പ്രേരിപ്പിക്കുകയായിരുന്നു.
ഇതിനായി ആവശ്യത്തിന് പണവും ആളുകളെയും മണിച്ചന് വാഗ്ദാനം ചെയ്തിരുന്നു. എന്നാല് മാനസാന്തരം വന്ന സുന്ദരം ജയിലിലെ പരാതിപ്പെട്ടിയിലൂടെ ഇക്കാര്യം അധികൃതരെ അറിയിച്ചു.
തുടര്ന്ന് അന്വേഷണം ക്രൈംബ്രാഞ്ച് ഏറ്റെടുത്തപ്പോള് സുന്ദരം കത്ത് താനെഴുതിയതാണെന്ന് അന്വേഷണ ഉദ്യോഗസ്ഥരോട് പറഞ്ഞു.കേസില് കോടതി ശനിയാഴ്ച ശിക്ഷവിധിയ്ക്കും.
തടവുകാരന് അന്വേഷണ ഉദ്യോഗസ്ഥനെതിരെ ഗൂഢാലോചന നടത്തിയത് അന്വേഷിച്ച് തെളിയിക്കുന്ന ആദ്യ കേസാണിത്.