കിന്നാരത്തുമ്പി രേഷ്മ അറസ്റ്റില്‍

കൊച്ചി : പെണ്‍വാണിഭക്കേസില്‍ പ്രശസ്ത മലയാള രതിചിത്രനടി രേഷ്മയുള്‍പ്പടെ ആറുപേരെ പൊലീസ് അറസ്റ്റു ചെയ്തു.

കൊച്ചിയില്‍ കാക്കനാട്ടെ ഒരു വീട് കേന്ദ്രീകരിച്ചായിരുന്നു ഈ സംഘം പ്രവര്‍ത്തിച്ചിരുന്നത്. അറസ്റ്റിലായവരില്‍ രണ്ടുപേര്‍ പുരുഷന്മാരാണ്.

ചരിത്രം സൃഷ്ടിച്ച കിന്നാരത്തുമ്പികള്‍ എന്ന ഷക്കീലച്ചിത്രത്തിലൂടെ സിനിമയിലെത്തിയ രേഷ്മ എണ്ണമറ്റ രതിച്ചിത്രങ്ങളിലെ നായികയായിരുന്നു. മലയാള സിനിമയില്‍ ടോപ്പ് ലെസ് തരംഗത്തിന് തുടക്കമിട്ടതും രേഷ്മയാണ്.

ഷക്കീല, രേഷ്മ, സജിനി, മറിയ എന്നിവരുടെ രതിച്ചിത്രങ്ങള്‍ കേരളത്തിനകത്തും പുറത്തും ചരിത്രം സൃഷ്ടിച്ചിട്ടുണ്ട്. പല വീഡിയോ ചിത്രങ്ങളും ഇവരുടെ പേരില്‍ വിപണിയിലുണ്ട്. ഷക്കീല ഇത്തരം ചിത്രങ്ങളിലെ അഭിനയം നിര്‍ത്തിയിരുന്നെങ്കിലും രേഷ്മയും സംഘവും ഇപ്പോഴും സജീവമാണ്.