മോഡി തങ്ങളുടെ ടീമിന്റെ ധോണിയാണെന്ന് ബിജെപി
ദില്ലി: ബിജെപി ടീമിന്റെ ക്യാപ്റ്റന് നരേന്ദ്രമോഡിയാണ് ഗുജറാത്ത് ഇലക്ഷനിലെ മാന് ഓഫ് ദി മാച്ചെന്ന് ബിജെപി വക്താവ് രവിശങ്കര് പ്രസാദ്.
രാഹുല് ഗാന്ധി കോണ്ഗ്രസിന്റെ മഹേന്ദ്രസിംഗ് ധോണിയാണെന്നായിരുന്നു കോണ്ഗ്രസിന്റെ പ്രചാരണം. എന്നാല് പാര്ട്ടിയെ വിജയത്തിലെത്തിക്കാന് കോണ്ഗ്രസിന്റെ ധോണിയ്ക്ക് കഴിഞ്ഞില്ല. എന്നാല് ഈ വിജയത്തിലൂടെ ബിജെപി ടീമിന്റെ ധോണിയാണ് താനെന്ന് നരേന്ദ്രമോഡി തെളിയിച്ചിരിക്കുകയാണ്.
ഈ വിജയത്തോടെ ബിജെപി ശക്തിതെളിയിച്ചിരിക്കുകയാണ്. ധോണി ക്യാപ്റ്റന് സ്ഥാനം ഏറ്റെടുത്തപ്പോള് ട്വന്റി20 ക്രിക്കറ്റിന് ഇന്ത്യന് ടീം അനായാസ വിജയം നേടിയതുപോലെയാണ് മോഡി ബിജെപിയെ വിജയത്തിലെത്തിച്ചിരിക്കുന്നത്- പ്രസാദ് പറഞ്ഞു.
സെപ്റ്റംബറില് എഐസിസി സെക്രട്ടറിയായി നിയമിച്ചപ്പോഴാണ് രാഹുല് ഗാന്ധി കോണ്ഗ്രസിന്റെ ധോണിയാണ് എന്ന രീതിയില് കോണ്ഗ്രസ് നേതാക്കള് പ്രസ്താവന നടത്തിയിരുന്നു.
Click it and Unblock the Notifications
Sign in with Google