Click it and Unblock the Notifications
Just In
-
-
-
Don't Miss
-
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
കുമളിയില്‍ ഹിസ്‌ബുള്‍ തീവ്രവാദിയെ പിടികൂടി
തിരുവനന്തപുരം:
കുമളിയില്‍
കാശ്‌മീര്‍
സ്വദേശിയായ
തീവ്രവാദിയെ
പൊലീസ്‌
പിടികൂടി.
ശ്രീനഗര്‍
സ്വദേശിയായ
അല്‍താഫിനെയാണ്‌
ശനിയാഴ്‌ച
വൈകീട്ട്‌
മൂന്നുമണിയോടെ
കുമളിയില്‍
നിന്നും
പൊലീസ്‌
കസ്റ്റഡിയിലെടുത്തത്‌.
പിടിയിലായ കാശ്‌മീര്‍ സ്വദേശി ഹിസ്‌ബുള്‍ മുജാഹിദീന്‍ പ്രവര്‍ത്തകനാണെന്ന്‌ സ്ഥിരീകരിച്ചതായി ആഭ്യന്തരമന്ത്രി കോടിയേരി ബാലകൃഷ്‌ണന്‍ അറിയിച്ചു. ഇയാളെ പിടികൂടിയതിനെത്തുടര്‍ന്ന്‌ കാശ്‌മീര്‍ പൊലീസുമായി ബന്ധപ്പെട്ടപ്പോഴാണ്‌ ഇക്കാര്യം സ്ഥിരീകരിച്ചതെന്നും മന്ത്രി പറഞ്ഞു.
കേന്ദ്ര രഹസ്യാന്വേഷണ വിഭാഗം നല്‍കിയ വിവരമനുസരിച്ചാണ്‌ സ്‌പെഷ്യല്‍ ബ്രാഞ്ച്‌ എസ്‌പി എ.വി ജോര്‍ജും സംഘവും അല്‍താഫിനെ കസ്റ്റഡിയിലെടുത്തത്‌. ഇയാള്‍ക്ക്‌ പാകിസ്‌താനിലെ ഐഎസ്‌ഐ ഉള്‍പ്പെടെയുള്ള വിവിധ സംഘടനകളില്‍ നിന്നും പരിശീലനം ലഭിച്ചിട്ടുണ്ട്‌.
ആയുധക്കടത്ത്‌ ഉള്‍പ്പെടെയുള്ള ഒട്ടേറെ കേസുകള്‍ ജമ്മുകാശ്‌മീരില്‍ ഇയാള്‍ക്കെതിരെ നിലവിലുണ്ട്‌. മുഹമ്മദ്‌ അഷറഫ്‌ ഭട്ട്‌ എന്ന പേരിലുള്ള വ്യാജ തിരിച്ചറിയില്‍ കാര്‍ഡ്‌ ഇയാളില്‍ നിന്നും കണ്ടെടുത്തിട്ടുണ്ട്‌.
രണ്ടായിരം മുതല്‍ ഇയാള്‍ കുമളിയില്‍ ജോലിചെയ്യുന്നുണ്ട്‌. ഇയാളുടെ സഹായിയായ ബാരമുള്ള സ്വദേശി ജഹാംഗീറുനെയും പൊലീസ്‌ കസ്റ്റഡിയിലെടുത്തിരുന്നു. ചോദ്യം ചെയ്‌തശേഷം ഇയാളെ വിട്ടയച്ചു. ഇവര്‍ രണ്ടുപേരും ചേര്‍ന്ന്‌ തേക്കടിക്കവലയില്‍ കരകൗശല വില്‍പ്പനശാല നടത്തുകയാണ്‌. അല്‍താഫിനെ പിന്നീട്‌ കോടതിയില്‍ ഹാജരാക്കും.
കുമളിയിലുള്ള കാശ്‌മീര്‍ സ്വദേശികളുടെ വ്യാപാരസ്ഥാപനങ്ങളിലും വീടുകളിലും പൊലീസ്‌ പരിശോധന നടത്തുന്നുണ്ട്‌. ടൂറിസ്‌റ്റ്‌ കേന്ദ്രങ്ങള്‍, റെയില്‍വേ സ്‌റ്റേഷനുകള്‍, ബസ്‌ സ്‌റ്റാന്റുകള്‍ എന്നിവ നിരീക്ഷണ വിധേയമാക്കാന്‍ ആഭ്യന്തരമന്ത്രാലയം പൊലീസിന്‌ നിര്‍ദ്ദേശം നല്‍കിയിട്ടുണ്ട്‌.
