കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

പെപ്സിയ്ക്ക് കഞ്ചിക്കോട്ട് തുടരമാമെന്ന് സുപ്രിം കോടതി

  • By Staff
Google Oneindia Malayalam News

ദില്ലി: പാലക്കാട്ടെ കഞ്ചിക്കോട്ടുള്ള പെപ്‌സി കമ്പനിയുടെ പ്ലാന്റിന്‌ പ്രവര്‍ത്തനം തുടങ്ങാന്‍ സുപ്രിം കോടതി അനുമതി നല്‍കി.

പെപ്‌സിയുടെ ലൈസന്‍സ്‌ റദ്ദാക്കിയ പുതുശ്ശേരി ഗ്രാമപഞ്ചായത്തിന്റെ നടപടി ഹൈക്കോടതി നേരത്തേ അസാധുവാക്കിയിരുന്നു. അതിനെതിരെ സംസ്ഥാന സര്‍ക്കാര്‍ സമര്‍പ്പിച്ച അപ്പീല്‍ ഹര്‍ജി സുപ്രിം കോടതി തിങ്കളാഴ്‌ച തള്ളി.

ഭൂഗര്‍ഭ ജലം കുറയുന്നതിലുള്ള ആശങ്ക കണക്കിലെടുക്കുന്നുവെങ്കിലും വ്യവസായ യൂണിറ്റിനുള്ള ലൈസന്‍സ്‌ റദ്ദാക്കാന്‍ പഞ്ചായത്തിന്‌ അധികാരമില്ലെന്ന്‌ ജസ്റ്റിസുമാരായ അരിജിത്‌ പസായത്ത്‌, പി സദാശിവം എന്നിവരുള്‍പ്പെട്ട ബഞ്ച്‌ നിരീക്ഷിച്ചു. ഭൂഗര്‍ഭ ജലം കുറയുന്ന പശ്ചാത്തലത്തില്‍ 2003ലാണ്‌ പെപ്‌സി പ്ലാന്റിനുള്ള ലൈസന്‍സ്‌ പുതുശ്ശേരി പഞ്ചായത്ത്‌ റദ്ദാക്കിയത്‌.

വ്യവസായ മേഖലയില്‍ പ്രവര്‍ത്തിക്കുന്ന സ്ഥാപനങ്ങളുടെ ലൈസന്‍സ്‌ റദ്ദാക്കാന്‍ പഞ്ചായത്തിന്‌ അധികാരമില്ലെന്ന്‌ പെപ്‌സിയുടെ ഹര്‍ജി അനുവദിച്ചുകൊണ്ട്‌ ഹൈക്കോടതി ചൂണ്ടിക്കാട്ടിയിരുന്നു. പഞ്ചായത്ത്‌ നിയമത്തിന്റെ. പരിധിയില്‍ നിന്ന്‌ വ്യവസായ മേഖലയെ സര്‍ക്കാര്‍ തന്നെ ഒഴിവാക്കിയിരുന്നു. പെപ്‌സിയുടെ ഈ വാദം സുപ്രിം കോടതി അംഗീകരിക്കുകയാണുണ്ടായത്‌.

സംസ്ഥാന സര്‍ക്കാറിന്റെ കീഴിലുള്ള വ്യവസായ വികസന ബോര്‍ഡ്‌ പെപ്‌സിക്ക്‌ അനുകൂലമായ നിലപാടാണ്‌ സ്വീകരിച്ചതെന്ന്‌ കോടതി പറഞ്ഞു. ഭൂഗര്‍ഭ ജലം കുറയുന്നതില്‍ സംസ്ഥാനത്തിനുള്ള ആശങ്ക കോടതി കണക്കിലെടുക്കുന്നു. എന്നാല്‍ നിയമപ്രകാരം ലൈസന്‍സ്‌ റദ്ദാക്കാന്‍ പഞ്ചായത്തിന്‌ അധികാരമില്ല- കോടതി വ്യക്തമാക്കി.

കുടിവെള്ളവും ഭൂഗര്‍ഭ ജലവും കുറയുന്ന സാഹചര്യത്തിലാണ്‌ പഞ്ചായത്ത്‌ റദ്ദാക്കിയതെന്ന്‌ സംസ്ഥാന സര്‍ക്കാര്‍ സുപ്രിം കോടതിയില്‍ ബോധിപ്പിച്ചു. ജനങ്ങളുടെ കുടിവെള്ള സ്രോതസ്സായ ഭൂഗര്‍ഭജലം സംരക്ഷിക്കാനുള്ള ഭരണഘടനാപരമായ ബാധ്യത പഞ്ചായത്തിനും സര്‍ക്കാറിനുമുണ്ട്‌. പഞ്ചായത്ത്‌ നിയമത്തിന്റെ പരിധിയില്‍ നിന്ന്‌ പുറത്താക്കിയത്‌ വ്യവസായ ടൗണ്‍ഷിപ്പിനെയാണ്‌. യൂണിറ്റുകളെയല്ല- സര്‍ക്കാര്‍ പറഞ്ഞു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X