കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഇന്ദിരയുടെ പ്രേതം സോണിയയെ പിടികൂടിയോ?: സുധാകരന്‍

  • By Staff
Google Oneindia Malayalam News

തിരുവനന്തപുരം: കോണ്‍ഗ്രസ്‌ പ്രസിഡന്റായിരുന്ന ഇന്ദിരാഗാന്ധിയുടെ പ്രേതം സോണിയ ഗാന്ധിയെ പിടികൂടിയിട്ടുണ്ടെങ്കില്‍ കേരള ജനത അതിനെ ഒഴിപ്പിക്കുമെന്ന്‌ മന്ത്രി ജി സുധാകരന്‍.

ഇന്ദിരയുടെ പ്രേതം കൂടി മട്ടിലാണ്‌ സോണിയ കേരളത്തില്‍ സംസാരിച്ചത്‌. ഭീഷണിയുടെ സ്വരത്തില്‍ നടത്തുന്ന പ്രസ്‌താവനകള്‍ക്ക്‌ ജനപിന്തുണ കിട്ടില്ല. സോണിയയ്‌ക്ക്‌ ഇടതു സര്‍ക്കാറിനെക്കുറിച്ച്‌ എന്തും പറയാം. സോണിയ വിമര്‍ശനത്തിന്‌ അതീതയാണെന്ന മട്ടിലുള്ള കോണ്‍ഗ്രസ്‌ നേതാക്കളുടെ പ്രതികരണം സ്വീകാര്യമമല്ല.

എന്റെ മൂന്നുവകുപ്പുകളിലും വളരെ ജനക്ഷേമകരമായ പ്രവര്‍ത്തനങ്ങളാണ്‌ നടക്കുന്നതെന്ന്‌ യുഡിഎഫുകാര്‍പോലും സമ്മേളന വേദിയില്‍ സമ്മതിക്കുമ്പോള്‍ ഞാന്‍ കുളം കലക്കുകയാണെന്ന്‌ ഹസ്സന്‍ പറഞ്ഞാല്‍ അത്‌ വിലപ്പോകില്ല.

എംഎം ഹസ്സന്‍ മന്ത്രിയായിരുന്നപ്പോഴാണ്‌ പരിപൂര്‍ണ്ണന്‍ കമ്മീഷന്‍ പറഞ്ഞ എല്ലാ അഴിമതികളും ദേവസ്വങ്ങളില്‍ നടന്നത്‌. സ്വന്തം മുന്നണിയിലെ രണ്ടംഗങ്ങള്‍ ദേവസ്വങ്ങളില്‍നടത്തുന്ന നിയമവിരുദ്ധ പ്രവര്‍ത്തനങ്ങളെപ്പോലും ഇടതുപക്ഷ സര്‍ക്കാര്‍ അംഗീകരിക്കാതിരിക്കുന്നത്‌ യുഡിഎഫുകാര്‍ പാഠമാക്കേണ്ടതാണ്‌.

രാഷ്ട്രീയ ഭാഷകളുടെ കാര്യത്തില്‍ എം.വി രാഘവനും ആര്‍. ബാലകൃഷ്‌ണപ്പിള്ളയുമാണ്‌ യുഡിഎഫിന്റെ ബ്രാന്റ്‌ അംബാസഡര്‍മാര്‍. കാര്യം പറയുമ്പോള്‍ തിരിച്ച്‌ ഭീഷണിപ്പെടുത്തുന്ന സ്വഭാവം കയ്യില്‍വച്ചാല്‍ മതി- മന്ത്രി നിര്‍ദ്ദേശിച്ചു.

കാസര്‍ക്കോട്ട്‌ ഞാന്‍ നടത്തിയ പ്രസ്‌താവനകള്‍ക്കെതിരെ ഭീഷണിയുടെ സ്വരത്തില്‍ വരുന്ന പ്രതികരണങ്ങള്‍ക്ക്‌ ജനപിന്തുണ കിട്ടില്ല. കേരളത്തില്‍ യുഡിഎഫ്‌ ജനങ്ങളെ നയിക്കുകയല്ല നശിപ്പിക്കുകയാണ്‌ ചെയ്യുന്നത്‌. കോണ്‍ഗ്രസ്‌ നേതാക്കള്‍ക്ക്‌ അധികാരത്തില്‍ കയറാനുള്ള അത്യാര്‍ത്തി മാത്രമാണുള്ളത്‌. - അദ്ദേഹം ആരോപിച്ചു.

ബന്ധപ്പെട്ട വാര്‍ത്തകള്‍

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X