ജീവനക്കാരിയുടെ മരണം: എംഡിയെ പ്രോസിക്യൂട്ട് ചെയ്യാന് ഉത്തരവ്
ദില്ലി: ഹ്യൂവലറ്റ് പക്കാര്ഡ് ഗ്ലോബല് സോഫ്റ്റ് വെയര് കമ്പനിലെ ഉദ്യോഗസ്ഥയായിരുന്ന പ്രതിമാ ശ്രീകാന്ത്മൂര്ത്തിയെ കമ്പനി ഏര്പ്പെടുത്തിയ വാഹനനത്തിന്റെ ഡ്രൈവര് ബലാത്സംഗം ചെയ്യുകയും കൊലപ്പെടുത്തുകയും ചെയ്ത കേസില് കമ്പനിയുടെ അന്നത്തെ എംഡിയായിരുന്ന സോം മിത്തലിനെ പ്രോസിക്യൂട്ട് ചെയ്യാന് സുപ്രീം കോടതി ഉത്തരവിട്ടു.
രണ്ടു വര്ഷം മുമ്പ് ബാഗ്ലൂരിലാണ് രാജ്യത്തെ ഞെട്ടിച്ച സംഭവം നടന്നത്. 24 കാരിയായ പ്രതിമാ ശ്രീകാന്ത് കമ്പനി ഏര്പ്പെടുത്തിയ വാഹനത്തില് രാത്രി ഷിഫ്റ്റ് കഴിഞ്ഞ് തിരികെ പോകവെ വാഹനത്തിന്റെ ഡ്രൈവര് ബലാത്സംഗം മാനഭംഗപ്പെടുത്തുകയും കൊലപ്പെടുത്തുകയുമായിരുന്നു.
രാത്രി ഷിഫ്റ്റില് വനിതകളെ ജോലിയ്ക്ക് നിയോഗിക്കുന്നത് നിരോധിച്ചിരുന്ന 2002ലെ കര്ണാടക സര്ക്കാരിന്റെ ഉത്തരവ് ലംഘിച്ചതിനാലാണ് പ്രോസിക്യൂട്ട് ചെയ്യാന് ഉത്തരവുണ്ടായിരിക്കുന്നത്.
നേരത്തെ കര്ണാടക ഹൈക്കോടതിയും ഇതേ ഉത്തരവ് പുറപ്പെടുവിച്ചിരുന്നു. ഇതിനെതിരെ സുപ്രീം കോടതിയില് സമര്പ്പിച്ച ഹര്ജി തള്ളിക്കൊണ്ടാണ് പുതിയ ഉത്തരവ് ഉണ്ടായിരിക്കുന്നത്.
വാഹനം ഏര്പ്പെടുത്തുക മാത്രമല്ല ജീവനക്കാരിയുടെ സുരക്ഷ ഉറപ്പാക്കാനുള്ള ചുമതല കൂടി കമ്പനിയ്ക്കുണ്ടായിരുന്നെന്ന് കോടതി നീരിഷിച്ചു.
സോം മിത്തല് ഇപ്പോള് നാഷണല് അസോസിയേഷന് ഓഫ് സോഫ്റ്റ് വെയേര്സ് ആന്ഡ് സര്വീസ് കമ്പനിയുടെ (നാസ്കോം)ചെയര്മാനാണ്.