കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

എച്ച്‌എംടി: കേന്ദ്രസര്‍ക്കാറിന്റെ അനുമതിയുണ്ടെന്ന്‌ ധനമന്ത്രി

  • By Staff
Google Oneindia Malayalam News

തിരുവനന്തപുരം: വിവാദമായ എച്ച്‌എംടി ഭൂമിയിടപാടിന്‌ കേന്ദ്രസര്‍ക്കാറിന്റെ അംഗീകാരമുണ്ടെന്ന്‌ ധനമന്ത്രി തോമസ്‌ ഐസക്‌. പബ്ലിക്‌ സെക്ടര്‍ ഇന്‍ഫ്രാ സ്‌ട്രക്‌ചര്‍ ബോര്‍ഡാണ്‌ ഇടപാടിന്‌ അനുമതി നല്‍കിയതെന്നും മന്ത്രി പറഞ്ഞു.

ഭൂമി ഇടപാട്‌ നിയമാനുസൃതമാണോയെന്ന്‌ കോടതി തീരുമാനിച്ചുകൊള്ളട്ടെയെന്ന മുഖ്യമന്ത്രിയുടെ അഭിപ്രായം നിലനില്‍ക്കെത്തന്നെ രണ്ട്‌ പ്രധാനകാര്യങ്ങള്‍ക്ക്‌ കേരളത്തിലെ ജനങ്ങള്‍ മറുപടി പറയണം. കേരളത്തില്‍ സൈബര്‍ സിറ്റി വരണമോയെന്നതാണ്‌ അതില്‍ ആദ്യത്തെ ചോദ്യം.

എച്ച്‌എംടി ഭൂമി വില്‍പനയിലൂടെ പുനസംഘടിപ്പിക്കപ്പെടണമമോയെന്നത്‌ രണ്ടാമത്തെ പ്രശ്‌നമാണ്‌. ഇവയെ അവഗണിച്ചുകൊണ്ട്‌ എച്ച്‌എംടി വിവാദത്തില്‍ നിന്നും പുറത്തുകടക്കാന്‍ കഴിയില്ല- ഐസക്‌ പറഞ്ഞു. തിരുവനന്തപുരത്ത്‌ ഒരു സെമിനാറില്‍ സംസാരിക്കുകയായിരുന്നു മന്ത്രി.

2003ലാണ്‌ എച്ച്‌എംടി ഭൂമി വില്‍ക്കുന്നതിനുള്ള പരസ്യം നല്‍കിയത്‌. 2005ല്‍ വീണ്ടും പരസ്യം നല്‍കി. കളമശേരി നഗരസഭയ്‌ക്ക്‌ വില്‍പനയ്‌ക്കുള്ള അനുമതിയും നല്‍കി. അന്നൊന്നും ഇല്ലാത്ത വിവാദം ഇപ്പോള്‍ എങ്ങനെയുണ്ടായെന്ന്‌ തിരിച്ചറിയണം. വിവാദങ്ങള്‍ കേരളത്തിലേയ്‌ക്ക്‌ വിദേശ നിക്ഷേപങ്ങള്‍ വരുന്നതിനെ തടസ്സപ്പെടുത്തുകയാണ്‌.

പൊതുമേഖലയില്‍ സര്‍ക്കാറിന്‌ കൂടുതല്‍ നിക്ഷേപം നടത്തുക സര്‍ക്കാറിന്‌ എളുപ്പമല്ല. ഈ സാഹചര്യത്തില്‍ കൂടുതല്‍ സ്വകാര്യ നിക്ഷേപങ്ങള്‍ ഉണ്ടാവുകമാത്രമാണ്‌ പരിഹാരം- ഐസക്‌ ചൂണ്ടിക്കാട്ടി.

ബന്ധപ്പെട്ട വാര്‍ത്തകള്‍

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X