സേതുസമുദ്രം സ്‌റ്റേ നീക്കണം: കേന്ദ്ര സര്‍ക്കാര്‍

ദില്ലി: രാമസേതു മനുഷ്യ നിര്‍മ്മിതമോ പ്രക്യത്യാലുള്ളതോ എന്ന കാര്യം തീര്‍ച്ചപ്പെടുത്താന്‍ മാര്‍ഗമില്ലെന്ന്‌ കേന്ദ്രസര്‍ക്കാറിന്റെ സത്യവാങ്‌മൂലം.

വിവാദങ്ങളില്‍ നിന്ന്‌ തലയൂരിയാണ്‌ കേന്ദ്രം പുതിയ സത്യവാങ്‌മൂലം സമര്‍പ്പിച്ചിരിക്കുന്നത്‌. കൂടാതെ രാമസേതുവിന്‌ നാശമുണ്ടാക്കുന്നത്‌ തടഞ്ഞു കൊണ്ടുള്ള സുപ്രീം കോടതിയുടെ ഉത്തരവ്‌ പിന്‍വലിയ്‌ക്കണമെന്നും കേന്ദ്രം അഭ്യര്‍ഥിച്ചിട്ടുണ്ട്‌.

വിശ്വാസം സംബന്ധിച്ചുള്ള കാര്യങ്ങളില്‍ കേന്ദ്രത്തിനോട്‌ അഭിപ്രായം ആരായരുതെന്നും പുതിയ സത്യവാങ്‌മൂലത്തിലുണ്ട്‌. രാമസേതു സംബന്ധിച്ച്‌ മുമ്പ്‌ കേന്ദ്ര സര്‍ക്കാര്‍ നല്‌കിയ സത്യവാങ്‌മൂലം വന്‍ വിവാദങ്ങള്‍ ക്ഷണിച്ചു വരുത്തിയിരുന്നു.

രാമായണത്തില് പരാമര്ശിച്ചിട്ടുള്ള രാമനും രാമസേതുവും സാങ്കല്‌പികമാണെന്നായിരുന്നു കേന്ദ്രത്തിന്റെ മുന്‍ നിലപാട്‌. കേന്ദ്ര സര്‍ക്കാരിന്റെ സത്യവാങ്‌മൂലത്തിനെതിരെ പ്രതിപക്ഷമായ ബിജെപി വന്‍ പ്രക്ഷോഭ പരിപാടികള്‍ സംഘടിപ്പിച്ചിരുന്നു.

അടുത്ത ലോക്‌സഭ തെരഞ്ഞെടുപ്പില്‍ ബിജെപി രാമസേതു വിവാദംഉയര്‍ത്തിക്കൊണ്ടു വരാന്‍ പദ്ധതിയിടുന്നതിനിടയിലാണ്‌ കേന്ദ്ര സര്‍ക്കാര്‍ വിവാദങ്ങളില്‍ നിന്ന്‌ തലയൂരിയിരിക്കുന്നത്‌.