പിന്തുണ പിന്‍വലിച്ചേക്കുമെന്ന് ബസു

കൊല്‍ക്കത്ത: യുപിഎയുമായുള്ള ബന്ധം പുന: പരിശോധിക്കുമെന്ന് സിപിഎം നേതാവ് ജ്യോതിബസു സൂചന നല്‍കി.

ബിജെപിയെ അധികാരത്തില്‍ നിന്ന് അകറ്റി നിര്‍ത്തുന്നതിനുള്ള ഒരു സംവിധാനം മാത്രമാണ് ഇപ്പോഴുള്ളത്. അത് എത്ര കാലം തുടരുമെന്ന് ഇപ്പോള് പറയാനാവില്ല- ബസു പറഞ്ഞു.

പാര്‍ലമെന്റിലെ ഭൂരിപക്ഷവും ആണവ കരാറിനെ എതിര്‍ക്കുകയാണ്. ആണവ കരാറുമായി മുന്നോട്ടുപോകരുതെന്ന് ഇടതുപക്ഷം യുപിഎയോട് ആവശ്യപ്പെട്ടിട്ടുണ്ട്- ബസു വ്യക്തമാക്കി.