സ്റ്റോള്ട്ട് വാലര് മോചിപ്പിച്ചു; ജീവനക്കാര് സുരക്ഷിതര്
കഴിഞ്ഞ സെപ്റ്റംബര് 15നാണ് ആദന് ഉള്ക്കടലില് നിന്നും സ്റ്റോള്ട്ട് വാലര് സൊമാലിയന് കടല്ക്കൊള്ളക്കാര് തട്ടിയെടുത്തത്.
മലയാളിയായ ഉല്ലാസ് കൃഷ്ണനടക്കം 18 ഇന്ത്യക്കാരും ഒരു ബംഗ്ലാദേശി സ്വദേശിയും രണ്ട് ഫിലിപ്പൈന്സുകാരുമാണ് കപ്പലിലുണ്ടായിരുന്നത്. കപ്പലിലെ മുഴുവന് ജീവനക്കാരും സുരക്ഷിതരാണെന്ന് എന്എസ്എഫ്എ ചെയര്മാന് അറിയിച്ചു.
കൊള്ളക്കാരുടെ പിടിയില് നിന്നും മോചിതരായതായി കപ്പലിന്റെ ക്യാപ്റ്റനായ പ്രഭാത് ഗോയല് അറിയിച്ചതായി ഭാര്യ സീമാ ഗോയല് പറഞ്ഞു. ഇക്കാര്യം ഉല്ലാസ് കൃഷ്ണനും വീട്ടുകാരെ വിളിച്ചറിയിച്ചിട്ടുണ്ട്.
കപ്പല് വിട്ടുകിട്ടാന് കൊള്ളക്കാര് ആവശ്യപ്പെട്ട മോചനദ്രവ്യം ജാപ്പനീസ് കമ്പനി നല്കിയെന്ന് തന്നെയാണ് റിപ്പോര്ട്ടുകള്. എന്നാലിതെത്ര തുകയാണെന്ന് കാര്യം പുറത്ത് വിട്ടിട്ടില്ല. ആറ് മില്യണ് ഡോളറാണ് കപ്പല് മോചിപ്പിയ്ക്കാനായി കൊള്ളക്കാര് ആവശ്യപ്പെട്ടിരുന്നത്.
Click it and Unblock the Notifications
Sign in with Google