ദാവൂദ് ജന്മദിനമാഘോഷിക്കുന്നു
മുംബൈ: അധോലോക തലവന് ദാവൂദ് ഇബ്രാഹിം രഹസ്യമായി ജന്മദിന ആഘോഷങ്ങള്ക്ക് തയാറെടുക്കുന്നതായി റിപ്പോര്ട്ടുകള്. ഡിസംബര് 26ന് 53ാം ജന്മദിനമാഘോഷിയ്ക്കുന്ന ദാവൂദ് മുംബൈ ആക്രമണത്തിന്റെ പശ്ചാത്തലത്തില് ഒരു അജ്ഞാത കേന്ദ്രത്തിലാണ് ആഘോഷങ്ങള് സംഘടപ്പിയ്ക്കുന്നത്.
ദാവൂദിനെ കൈമാറണമെന്ന ഇന്ത്യയുടെ ആവശ്യം ശക്തമായ സാഹചര്യത്തില് ഈ അധോലോക തലവന് തനിയ്ക്കുള്ള സുരക്ഷാ സന്നാഹങ്ങള് വര്ദ്ധിപ്പിച്ചിതായും സൂചനകളുണ്ട്.
ഒരു വന്കിട ആയുധ വ്യപാരിയാണ് ഇത്തവണത്തെ ജന്മദിനാഘോഷങ്ങളിലെ മുഖ്യാതിഥിയായി പങ്കെടുക്കുന്നത്. ഒരു പ്രമുഖ ഇന്ത്യന് രാഷ്ട്രീയക്കാരനും ദാവൂദിന്റെ ആഘോഷങ്ങളില് പങ്കെടുക്കുമെന്ന് കരുതപ്പെടുന്നു. ദാവൂദും ഈ രാഷ്ട്രീയ നേതാവും കഴിഞ്ഞ വര്ഷം ജനീവയില് വെച്ച് കൂടിക്കാഴ്ച നടത്തിയെന്നും ഇരുവരും സാമ്പത്തിക ഇടപാടുകള് നടത്തിയതായും രഹസ്യാന്വേഷണ ഏജന്സികള് കണ്ടെത്തിയിരുന്നു.
ഈ വിവരങ്ങള് യഥാസമയം സര്ക്കാരിനെ അറിയിച്ചെങ്കിലും നടപടികളൊന്നുമുണ്ടായില്ലെന്ന് ആരോപണങ്ങളുണ്ട്, ജന്മദിനാഘോഷങ്ങള് രഹസ്യമായാണ് നടത്തുന്നതെങ്കിലും ഇന്ത്യയിലെ വന്കിട റിയല് എസ്റ്റേറ്റ് കമ്പനി മേധാവികളും ഐഎസ്ഐ ഉദ്യോഗസ്ഥരും ഇതില് പങ്കെടുക്കുമെന്നും സൂചനകളുണ്ട്.
Click it and Unblock the Notifications
Sign in with Google