കൊലയാളി ബസുകളുടെ പെര്മിറ്റ് റദ്ദാക്കി
ദില്ലി: ദില്ലി നഗരത്തില് അപകട പരമ്പരകള് സൃഷ്ടിച്ച 158 ബ്ലൂ ലൈന് ബസുകളുടെ പെര്മിറ്റ് അധികൃതര് റദ്ദാക്കി.
നിരന്തരമായി അപകടത്തില് പെട്ട ബ്ലൂ ലൈന് ബസുകള്ക്ക് 'കൊലയാളി ബസുകള്' എന്ന വിശേഷണം തന്നെ ചാര്ത്തിക്കിട്ടിയിരുന്നു. ഈ ബസുകളില് പലതും അനധികൃതമായാണ് സര്വീസ് നടത്തുന്നതെന്ന് കണ്ടെത്തിയതിനെ തുടര്ന്നാണ് ഇവയുടെ പെര്മിറ്റ് റദ്ദാക്കാന് ശുപാര്ശ ചെയ്തത്.
ഈ വര്ഷം ബ്ലൂ ലൈന് ബസുകള് അപകടത്തില്പ്പെട്ട് കൊല്ലപ്പെട്ടവരുടെ എണ്ണം 120 കവിഞ്ഞിട്ടുണ്ട്. കഴിഞ്ഞ വര്ഷം 163 പേരാണ് ബ്ലൂ ലൈന് ബസപകടങ്ങളില് ജീവന് നഷ്ടപ്പെട്ടത്.
നിലവില് ദില്ലി നഗരത്തില് 4,000ത്തിലധികം ബ്ലൂ ലൈന് ബസുകള് സര്വീസ് നടത്തുന്നുണ്ട്. നഗരത്തില് ഈ ബസ് സര്വീസുകളുടെ എണ്ണം കുറച്ച് കൊണ്ടു വരാനുള്ള പദ്ധതി സര്ക്കാര് തയ്യാറാക്കിയിട്ടുണ്ട്.
Click it and Unblock the Notifications
Sign in with Google