കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മാറാട്‌ കലാപം: 63 പേര്‍ കുറ്റക്കാര്‍

  • By Staff
Google Oneindia Malayalam News

കോഴിക്കോട്‌: രണ്ടാം മാറാട്‌ കൂട്ടക്കൊലക്കേസില്‍ 63 പേര്‍ കുറ്റക്കാരാണെന്ന്‌ പ്രത്യേക കോടതി കണ്ടെത്തി. തെളിവുകളുടെ അഭാവത്തില്‍ പ്രതിപട്ടികയിലുണ്ടായിരുന്ന 76 പേരെ കോടതി വിട്ടയച്ചു.

കുറ്റക്കാരാണെന്ന്‌ കണ്ടെത്തിയ 63 പേരില്‍ 62 പേരുടെ മേല്‍ കൊലക്കുറ്റമാണ്‌ കോടതി ചുമത്തിയിട്ടുള്ളത്‌. കൊലപാതകം, കൊലപാതക ശ്രമം, അതിക്രമിച്ച്‌, കയറല്‍ അന്യായമായി സംഘം ചേരല്‍, മാരകായുധം ഉപയോഗിച്ച്‌ പരിക്കേല്‌പിയ്‌ക്കല്‍, മതസ്‌പര്‍ദ്ധ തുടങ്ങിയ കുറ്റങ്ങളാണ്‌ 62 പേര്‍ക്കെതിരെ ചുമത്തിയിരിക്കുന്നത്‌.

കേസിലെ 139ാം പ്രതിയായ മാറാട്‌ മഹല്‍ സെക്രട്ടറി ആരാധാനാലയം ദുരുപയോഗപ്പെടുത്തിയെന്നും പ്രത്യേക കോടതി ജഡ്‌ജി ബാബു മാത്യു ടി. ജോസഫ്‌ കണ്ടെത്തി.

കുറ്റക്കാരെന്ന്‌ കണ്ടെത്തിയവരുടെ ശിക്ഷാ വിധിയിന്‍ മേലുള്ള വാദം 29ന്‌ തുടങ്ങും.

കേസില്‍ മൊത്തം 148 പ്രതികളാണുള്ളത്‌. ഇതില്‍ അഞ്ചു പേര്‍ പ്രായപൂര്‍ത്തിയാകാത്തവരാണ്‌. രണ്ടു പേരെ ഇനിയും പിടികൂടാന്‍ കഴിഞ്ഞിട്ടില്ല. അക്രമത്തിനിടെ മരിച്ച അസ്‌ഗറലിയും പ്രതിപട്ടികയിലുണ്ട്‌. അക്രമികള്‍ക്ക്‌ വേണ്ടി വാളുകള്‍ നിര്‍മ്മിച്ചയാള്‍ മാപ്പു സാക്ഷിയായതിനാല്‍ 139 പേരെയാണ്‌ പ്രത്യേക കോടതി വിചാരണ ചെയ്‌തത്‌.

2003 മെയ്‌ രണ്ടിനാണ്‌ നാടിനെ ഞെട്ടിച്ച മാറാട്‌ കൂട്ടക്കൊല അരങ്ങേറിയത്‌. മാറാട്‌ കടപ്പുറത്തുണ്ടായ അക്രമത്തില്‍ ഒമ്പത്‌ പേര്‍ കൊല്ലപ്പെട്ടിരുന്നു.

2004 ഡിസംബര്‍ 20ന്‌ തുടങ്ങിയ വിചാരണ നടപടികള്‍ കഴിഞ്ഞ ഏപ്രില്‍ പത്തിനാണ്‌ അവസാനിച്ചത്‌. കഴിഞ്ഞ മാസം 29ന്‌ വിധി പ്രഖ്യാപിയ്‌ക്കുമെന്ന്‌ കോടതി അറിയിച്ചിരുന്നെങ്കിലും ചില സാങ്കേതിക കാരണങ്ങളാല്‍ വിധി പ്രസ്‌താവന ഡിസംബര്‍ 27ലേക്ക്‌ മാറ്റുകയായിരുന്നു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X