കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മാറാട്‌: ശിക്ഷാ വിധി തിങ്കളാഴ്‌ച മുതല്‍

  • By Staff
Google Oneindia Malayalam News

കോഴിക്കോട്‌: മാറാട്‌ കൂട്ടക്കൊല കേസില്‍ കുറ്റക്കാരെന്ന്‌ കണ്ടെത്തിയ 63 പ്രതികള്‍ക്ക്‌ ശിക്ഷ വിധിയ്‌ക്കുന്നതിനുള്ള നടപടി ക്രമങ്ങള്‍ക്ക്‌ തിങ്കളാഴ്‌ച തുടക്കമാകും. പ്രതികളെന്ന്‌ കണ്ടെത്തിയ 63 പേരില്‍ ഒരാളൊഴികെ മറ്റെല്ലാവര്‍ക്കുമെതിരെ കൊലക്കുറ്റമാണ്‌ ചുമത്തിയിരിക്കുന്നത്‌.

പ്രതികളെ രാവിലെ 11ന്‌ കോടതിയില്‍ ഹാജരാക്കും. തുടര്‍ന്ന്‌ കേസില്‍ കുറ്റക്കാരായി കണ്ടെത്തിയ കാര്യം കോടതി ഇവരെ അറിയിക്കും. ശിക്ഷയെക്കുറിച്ചും കുറ്റത്തെക്കുറിച്ചും എന്തെങ്കിലും പറയാനുണ്ടോയെന്ന്‌ ജഡ്‌ജി ചോദിയ്‌ക്കും. ഇതിന്‌ പ്രതികള്‍ നല്‌കുന്ന മറുപടി കോടതി രേഖപ്പെടുത്തും.

തുടര്‍ന്ന്‌ പബ്ലിക്‌ പ്രോസിക്യൂഷന്റെയും പ്രതിഭാഗം അഭിഭാഷകനോടും ശിക്ഷയെക്കുറിച്ചുള്ള അഭിപ്രായം ആരായും. പ്രതികള്‍ക്ക്‌ കടുത്ത ശിക്ഷ നല്‌കുന്നതിനെതിരെ പ്രതിഭാഗം അഭിഭാഷകന്‍ ഹാജരാക്കുന്ന തെളിവുകളും കോടതി പരിശോധിയ്‌ക്കും. തുടര്‍ന്നായിരിക്കും ശിക്ഷ വിധിയ്‌ക്കുന്ന നടപടികളിലേക്ക്‌ കോടതി കടക്കുക.

63 പേരുടെ ശിക്ഷാവിധി പൂര്‍ണമായി പ്രഖ്യാപിയ്‌ക്കാന്‍ ദിവസങ്ങള്‍ വേണ്ടി വരുമെന്നാണ്‌ കരുതപ്പെടുന്നത്‌. ക്രിമിനല്‍ നടപടിചട്ടം 235 (2) പ്രകാരമുള്ള നടപടികള്‍ അനുസരിച്ചാണ്‌ ശിക്ഷകള്‍ വിധിയ്‌ക്കുക.

ഒമ്പത്‌ പേരുടെ ജീവന്‍ അപഹരിച്ച രണ്ടാം മാറാട്‌ കൂട്ടക്കൊല കേസില്‍ 139 പേരാണ്‌ മാറാട്‌ പ്രത്യേക കോടതിയില്‍ വിചാരണ നേരിട്ടത്‌. ഇതില്‍ 76 പേരെ കോടതി തെളിവുകളുടെ അഭാവത്തില്‍ കഴിഞ്ഞ ദിവസം വിട്ടയച്ചിരുന്നു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X