Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്‌തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
വിവാഹാഭ്യര്‍ത്ഥന നിരസിച്ചതിന്‌ എച്ച്‌ഐവി രക്തം കുത്തിവച്ചു
ഗുണ്ടൂര്‍: വിവാഹാഭ്യര്‍ത്ഥന നിരസിച്ച യുവതിയുടെയും വിവാഹമോചനത്തിന്‌ ശ്രമിച്ച ഭാര്യയുടെയും ശരീരത്തില്‍ എച്ച്‌ഐവി പോസിറ്റീവ്‌ രക്തം കുത്തിവച്ചു. ആന്ധ്രയിലെ ഗുണ്ടൂര്‍ ജില്ലയിലെ രണ്ടിടങ്ങളിലാണ്‌ സ്‌ത്രീകള്‍ക്കുനേരെ ക്രൂരമായ ആക്രമണം നടന്നത്‌.
ഗുണ്ടൂര്‍ നഗരത്തിലെ ദേവപ്രഭാകര്‍ എന്ന എച്ച്‌ഐവി രോഗിയാണ്‌ ഒരു സംഭവത്തിലെ പ്രതി. തന്നെ വിവാഹം ചെയ്യാന്‍ തയ്യാറാകാതിരുന്ന ഭാര്യാസഹോദരിയുടെ ശരീരത്തിലാണ്‌ ഇയാള്‍ സ്വന്തം രക്തം കുത്തിവച്ചത്‌.
ആറ്‌ വര്‍ഷം മുമ്പാണ്‌ പ്രഭാകര്‍ ഈ യുവതിയുടെ സഹോദരിയെ വിവാഹം ചെയ്‌തത്‌. പ്രഭാകര്‍ വിവാഹാഭ്യര്‍ത്ഥനയുമായി ശല്യം ചെയ്‌തതിനെത്തുടര്‍ന്ന്‌ യുവതി പൊലീസില്‍ പരാതി നല്‍കി. പൊലീസ്‌ പ്രഭാകറിനെ അറസ്റ്റ്‌ ചെയ്‌തെങ്കിലും ജാമ്യത്തിലിറങ്ങിയ ഇയാള്‍ യുവതിയോട്‌ പ്രതികാരം ചെയ്യാന്‍ തീരുമാനിക്കുകയായിരുന്നു.
തുടര്‍ന്ന്‌ ഡിസംബര്‍ 31ന്‌ സ്വന്തം ശരീരത്തില്‍ നിന്നെടുത്ത രക്തം ഇയാള്‍ യുവതിയുടെ ശരീരത്തില്‍ കുത്തിവച്ചു. പിന്നീട്‌ പ്രഭാകര്‍ കീടനാശിനി കഴിച്ച്‌ ആത്മഹത്യയ്‌ക്ക്‌ ശ്രമിക്കുകയും ചെയ്‌തു. സംഭവത്തില്‍ പൊലീസ്‌ നടപടിയെടുക്കാന്‍ വൈകിയെന്ന്‌ ആരോപണം ഉയര്‍ന്നിട്ടുണ്ട്‌.
രണ്ടാമത്തെ സംഭവം ടന്നത്‌ ഗുണ്ടൂരിലെ പിദുഗുരല്ലയിലാണ്‌. ചൗധരി ചിന്നയെന്ന എയ്‌ഡ്‌സ്‌ രോഗി തന്നോടൊപ്പം താമസിക്കാന്‍ കഴിയില്ലെന്ന്‌ പറഞ്ഞ ഭാര്യയുടെ ശരീരത്തില്‍ രക്തം കുത്തിവയ്‌ക്കുകയായിരുന്നു. രണ്ടു സ്‌ത്രീകളുടെയും രക്തം പോളിമര്‍ ചെയിന്‍ റിയാക്ഷന്‍ ടെസ്‌റ്റിനായി അയച്ചിരിക്കുകയാണ്‌. മൂന്നുദിവസത്തിനുള്ളില്‍ പരിശോധനാഫലം ലഭിക്കുമെന്നാണ്‌ കരുതുന്നത്‌.
ഇത്തരത്തില്‍ എച്ച്‌ഐവി പോസിറ്റീവ്‌ രക്തം കുത്തിവച്ചു കഴിഞ്ഞ രണ്ട്‌ മണിക്കൂറിനുള്ളില്‍ വൈദ്യസഹായം ലഭിക്കുകയാണെങ്കില്‍ വൈറസ്‌ ശരീരത്തിന്റെ മറ്റുഭാഗങ്ങളിലേയ്‌ക്ക്‌ പടരുന്നത്‌ പൂര്‍ണായും തടയാന്‍ കഴിയുമെന്നാണ്‌ ഡോക്ടര്‍മാര്‍ പറയുന്നത്‌. രണ്ട്‌ മണുക്കൂറിനുള്ളില്‍ വൈദ്യസഹായം ലഭിച്ചില്ലെങ്കില്‍ എച്ച്‌ഐവി പടരാനിടയുണ്ടെന്നും ഇവര്‍ മുന്നറിയിപ്പ്‌ നല്‍കുന്നു.
എച്ച്‌ഐവി രോഗികള്‍ ഈ രീതിയില്‍ പ്രതികാരം ചെയ്യാനും രോഗം പടര്‍ത്താനും ശ്രമിക്കുന്നത്‌ പലഭാഗത്തും നിത്യസംഭവമായി മാറുകയാണ്‌. ഇത്‌ പൊലീസിനും ആരോഗ്യപ്രവര്‍ത്തകര്‍ക്കും നന്നേ തലവേദന സൃഷ്ടിക്കുന്നുണ്ട്‌.
