കെ. ജെ മാത്യു ചീഫ് സെക്രട്ടറി
തിരുവനന്തപുരം: കെ. ജെ മാത്യുവിനെ ചീഫ് സെക്രട്ടറിയായി നിയമിക്കാന് മന്ത്രിസഭായോഗം തീരുമാനിച്ചു. നിലവിലെ ചീഫ് സെക്രട്ടറി പി.ജെ തോമസ് കേന്ദ്ര സര്വീസിലേക്ക് പോകുന്ന സാഹചര്യത്തിലാണ് ആഭ്യന്തര പ്രിന്സിപ്പല് സെക്രട്ടറി കെ.ജെ മാത്യുവിനെ ചീഫ് സെക്രട്ടറിയാക്കാന് തീരുമാനിച്ചിരിയ്ക്കുന്നത്.
നീല ഗംഗാധരനെ ആഭ്യന്തര പ്രിന്സിപ്പല് സെക്രട്ടറിയായി നിയമിക്കുന്നതിനും സര്ക്കാര് തീരുമാനിച്ചു. 1975 ബാച്ചുകാരനായ കെ.ജെ മാത്യുവിന്ഈ വര്ഷം മെയ് മാസം വരെ സര്വീസ് കാലാവധി ഉണ്ട്.
സീനിയോറിറ്റി മറികടന്നാണല്ലോ ചീഫ് സെക്രട്ടറിയെ നിയമിച്ചതെന്ന ചോദ്യത്തിന് കേന്ദ്ര സര്വീസിലേക്ക് അടിക്കടി മാറി പോകുന്നവരെ അല്ല തങ്ങള് പരിഗണിച്ചതെന്ന് മുഖ്യമന്ത്രി പ്രതികരിച്ചു. കേരളത്തിന്റെ താത്പര്യങ്ങള് സംരക്ഷിച്ച് സംസ്ഥാനത്ത് തുടരുന്നവരെയാണ് സര്ക്കാര് പരിഗണിച്ചത്.
കഴിഞ്ഞ തവണത്തെ നിയമനത്തിലും ഇക്കാര്യം കണക്കിലെടുത്തിരുന്നുവെന്ന് അദ്ദേഹം ചൂണ്ടിക്കാട്ടി.