അഭയ കേസ്: മേല്നോട്ടം ഡിവിഷന് ബഞ്ചിന്
കൊച്ചി: സിസ്റ്റര് അഭയ കേസില് അന്വേഷണത്തിന്റെ മേല്നോട്ടം ജസ്റ്റിസ് ബാലകൃഷ്ണന് നായര് അധ്യക്ഷനായ ഡിവിഷന് ബഞ്ചിന് നല്കിക്കൊണ്ട് ഹൈക്കോടതി ആക്ടിങ് ചീഫ് ജസ്റ്റിസ് ജെബി കോശി ഉത്തരവിട്ടു.
കേസന്വേഷണത്തിന്റെ നേല്നോട്ടച്ചുമതല ഡിവിഷന് ബഞ്ചിന് വിട്ടുകൊണ്ട് ജസ്റ്റിസ് ആര് ബസന്ത് കഴിഞ്ഞ ദിവസം ഉത്തരവിട്ടിരുന്നു. മേല്നോട്ടച്ചുമതല സംബന്ധിച്ച് മറ്റൊരു ബഞ്ചില് നിന്നും ഭിന്നാഭിപ്രായം ഉയര്ന്നതിനാലാണ് ദൗത്യം ഡിവിഷന് ബഞ്ചിന് വിടുന്നതെന്ന് ജസ്റ്റിസ് ബസന്ത് വ്യക്തമാക്കിയിരുന്നു.
കേസില് വൈദികരെയും കന്യാസ്ത്രീയെയും നാര്കോ പരിശോധനയ്ക്ക് വിധേയരാക്കിയ ഫലത്തിന്റെ അടിസ്ഥാനത്തില് തുടരന്വേഷണം ആവശ്യപ്പെടുന്ന ഹര്ജി പരിഗണിക്കവേയാണ് കേസിന്റെ മേല്നോട്ടുച്ചുമതല ഡിവിഷന് ബഞ്ചിന് നല്കിക്കൊണ്ട് കോടതി ഉത്തരവിട്ടത്.
ഭാവിയില് കേസ് വിഭജനക്രമീകരണത്തിലെ മാറ്റമനുസരിച്ച് സഹജഡ്ജിമാര് മാറിയാലും ജസ്റ്റിസ് ബാലകൃഷ്ണ് നായരുടെ ചുമതല തുടരും. കേസന്വേഷണ ഉദ്യോഗസ്ഥര് സമര്പ്പിക്കുന്ന അന്വേഷണ പുരോഗതി റിപ്പോര്ട്ടുകള് ഇനി പുതിയ ബഞ്ചാണ് പരിഗണിക്കുന്നത്