പിണറായിയ്ക്കെതിരെ കാസര്കോട്ടും പോസ്റ്റര്
കാസര്കോട്: ദില്ലിയിലും കോട്ടയത്തും പ്രത്യക്ഷപ്പെട്ടതിന് പിന്നാലെ പിണറായി വിജയനെതിരെ കാസര്കോട്ടും പോസ്റ്ററുകള്. കാഞ്ഞങ്ങാട് നഗരത്തിലും ചെമ്മട്ടം വയലിലെ ആശുപത്രിയ്ക്ക് സമീപവുമാണ് പോസ്റ്ററുകള് പതിച്ചിരിക്കുന്നത്.
ഒബാമ ചരിത്രത്തിലേയ്ക്ക്, പിണറായി ജയിലിലേയ്ക്ക്, പിണറായി സാമ്രാജ്യത്വത്തിന്റെ കൂട്ടാളി തുടങ്ങിയ കാര്യങ്ങളാണ് പോസ്റ്ററുകളിലുള്ളത്. സിപിഎം പ്രവര്ത്തകര് പോസ്റ്ററുകളെല്ലാം നീക്കം ചെയ്തിട്ടിട്ടുണ്ട്.
ഇതിനിടെ നവകേരളയാത്രയുടെ പ്രചാരണ ബോര്ഡുകളില് നിന്നും ജാഥയ്ക്ക് നേതൃത്വം നല്കുന്ന പിണറായിയുടെ ചിത്രങ്ങള് നീക്കം ചെയ്യാന് തുടങ്ങിയതായും റിപ്പോര്ട്ടുണ്ട്.
കാസര്കോട് ജില്ലയിലെ പലഭാഗത്തും പിണറായിയുടെ പടത്തിന് പകരം ഇഎംഎസിന്റെയും വിഎസ് അച്യുതാനന്ദന്റെയും ചിത്രങ്ങളോടുകൂടിയ ഫ്ളക്സ് ബോര്ഡുകള് സ്ഥാപിച്ചു കഴിഞ്ഞു
. കാസര്കോട് പുതിയ ബസ് സ്റ്റാന്റ് പരിസരത്ത് കഴിഞ്ഞ ദിവസംവരെ പിണറായിയുടെ ഫോട്ടോ പതിച്ച പോസ്റ്ററുകളും ബാനറുകളും പരക്കെയുണ്ടായിരുന്നു. എന്നാല് ശനിയാഴ്ചയോടെ ഇവയൊക്കെ മാറ്റിയിട്ടുണ്ട്.