Click it and Unblock the Notifications
Just In
Don't Miss
-
IPL 2024: ഇന്ത്യക്ക് വേണ്ട, പക്ഷെ സഞ്ജുവിന്റെ തുറുപ്പു ചീട്ട്! തന്റെ തന്ത്രം വെളിപ്പെടുത്തി സന്ദീപ് -
ചാണക്യനീതി: അഗ്നിയേക്കാള് നിങ്ങളെ പൊള്ളിക്കും ഈ മൂന്ന് കാര്യങ്ങള്, ചങ്ക് തകരും -
വിദേശ മലയാളികളുടെ ശ്രദ്ധയ്ക്ക്, സർപ്രൈസ് വെളളപ്പൊക്കത്തിൽ നിന്ന് വാഹനം എങ്ങനെ സംരക്ഷിക്കാം -
ചെരുപ്പിടാതെ നടന്നതിന് വെട്ടാന് ചെരുപ്പ്, പൂഴിക്കടകനിട്ട് തിരിച്ചുവെട്ടി ജാസ്മിന്; മിണ്ടാതിരുന്നവരെ പൊക്കി -
മൂന്ന് വർഷം കൊണ്ട് നൽകിയത് 1430% ലാഭം, ഈ സ്മോൾ ക്യാപ് ഓഹരി പൊളിയല്ലേ, നിങ്ങൾക്ക് നിക്ഷേപമുണ്ടോ..? -
രാജമാണിക്യം ലെവൽ റോമിങ് പ്ലാനുമായി എയർടെൽ; 184 രാജ്യങ്ങൾ സന്ദർശിക്കാൻ ഒരൊറ്റ റീച്ചാർജ് മതി -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
പബ്‌ ആക്രമണം: ശ്രീരാമസേനാനേതാവ്‌ അറസ്റ്റില്‍
മംഗലാപുരം: പബില്‍ കയറി പെണ്‍കുട്ടികളെ ആക്രമിയ്‌ക്കുകയും അപമാനിക്കുകയും ചെയ്‌ത കേസില്‍ ശ്രീരാമസേനാ നേതാവ്‌ പ്രസാദ്‌ അത്താവറിനെ അറസ്റ്റുചെയ്‌തു.
പബില്‍ കടന്നുകയറി അവിടെയുണ്ടായിരുന്ന സ്‌ത്രീകളെ ആക്രമിയ്‌ക്കുകയും അപമാനിക്കുകയും ചെയ്‌ത ശ്രീരാമസേനാ പ്രവര്‍ത്തകരുടെ നടപടി രാജ്യമെങ്ങും പ്രതിഷേധത്തിനിടയാക്കിയിട്ടുണ്ട്‌. ഇതേത്തുടര്‍ന്നാണ്‌ പ്രസാദിനെ അറസ്റ്റ്‌ ചെയ്യാന്‍ കര്‍ണാടക സര്‍ക്കാര്‍ ഉത്തരവിട്ടത്‌.
സംഭവവുമായി ബന്ധപ്പെട്ട്‌ പത്ത്‌ ശ്രീരാമസേനാ പ്രവര്‍ത്തകരെ ശനിയാഴ്‌ച രാത്രി അറസ്റ്റ്‌ ചെയ്‌തിരുന്നു. സ്‌ത്രീകള്‍ പബില്‍പോകുന്നതും മദ്യപിക്കുന്നതും ഭാരതീയ സംസ്‌കാരത്തിന്‌ യോജിച്ചതല്ലെന്ന പേരിലായിരുന്നു ശനിയാഴ്‌ച രാത്രി ശ്രീരാമസേനാ പ്രവര്‍ത്തകര്‍ ആക്രമണം നടത്തിയത്‌.
എന്നാല്‍ ആക്രമണത്തിന്‌ ശേഷം അതിന്റെ ഉത്തരവാദിത്തം അവര്‍ ബജ്റംഗദള്‍ പ്രവര്‍ത്തകരുടേ മേല്‍ ആരോപിക്കാന്‍ ശ്രമം നടത്തിയിരുന്നു. ഇതിനിടെ ഈ നടപടിയെ വിമര്‍ശിക്കേണ്ടതില്ലെന്ന്‌ ശ്രീരാമസേനാ നേതാക്കള്‍ പറഞ്ഞു. സ്വന്തം സഹോദരിമാര്‍ പബില്‍ പോയാലും ഇങ്ങനെതന്നെ പ്രതികരിക്കും. സംസ്‌കാരം കാത്തുസൂക്ഷിക്കേണ്ടത്‌ ഭാരതീയന്റെ കടമാണെന്നും അവര്‍ പറഞ്ഞു.
ആക്രമണത്തിനൊപ്പംതന്നെ തങ്ങളെ അവര്‍ വേശ്യകളെന്ന്‌ വിളിയ്‌ക്കുകയും മുടിയ്‌ക്ക്‌ പിടിച്ച്‌ മര്‍ദ്ദിക്കുകയും ചെയ്‌തുവെന്ന്‌ ആക്രമണത്തെത്തുടര്‍ന്ന്‌ ആശുപത്രിയില്‍ ചികിത്സയില്‍ക്കഴിയുന്ന ഒരു പെണ്‍കുട്ടി പറഞ്ഞു.
