കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

രാജുവിന്‌ സ്വന്തമായി 30 ബംഗ്ലാവുകള്‍

  • By Staff
Google Oneindia Malayalam News

Ramalinga Raju
ഹൈദരാബാദ്‌: കോടികളുടെ സാമ്പത്തിക ക്രമക്കേട്‌ നടത്തി ജയിലില്‍ കഴിയുന്ന സത്യം കമ്പ്യൂട്ടേഴ്‌സിന്റെ മുന്‍ ചെയര്‍മാന്‍ രാമലിംഗരാജുവിന്‌ വന്‍ സ്വത്തുവകകളുള്ളതായി റിപ്പോര്‍ട്ട്‌.

ലോകത്തിലെ ഏറ്റവും സമ്പന്നരിലൊരാളായിരുന്ന ഹൈദരാബാദ്‌ നൈസാം മഹബൂബ്‌ അലി പാഷയുടെ ആഡംബരങ്ങളെ കടത്തിവെട്ടുന്നതാണ്‌ രാമലിംഗരാജുവിന്റെ ജീവിതമെന്നാണ്‌ എന്‍ഫോഴ്‌സമെന്റ്‌ ഡയറക്ടറേറ്റും റവന്യൂ ഇന്റലിജന്‍സും നടത്തിയ അന്വേഷണത്തില്‍ വ്യക്തമായിരിക്കുന്നത്‌.

വിവിധ രാജ്യങ്ങളിലായി 30 ബംഗ്ലാവുകളാണത്രേ രാജുവിനുള്ളത്‌. ആന്ധ്രയിലെ ക്ഷേത്രങ്ങളില്‍ രാജു നേര്‍ച്ച നല്‍കിയത്‌ 340 കോടിരൂപയുടെ സ്വര്‍ണമാണ്‌. സ്വന്തം ശേഖരത്തിലുള്ളതാകട്ടെ 75 ലക്ഷത്തിന്റെ ആഭരണങ്ങള്‍.

സ്വന്തം ബംഗ്ലാവില്‍ ആകാശ വീക്ഷണത്തിനായി സ്ഥാപിച്ചിരിക്കുന്നത്‌ 1.12കോടിയുടെ ദൂരദര്‍ശിനി. അമേരിക്ക, ഇംഗ്ലണ്ട്‌, കാനഡ, മൗറീഷ്യസ്‌, മലേഷ്യ എന്നീ രാജ്യങ്ങളിലാണ്‌ രാജുവിന്‌ സ്വന്തമായി ബംഗ്ലാവുകളുള്ളത്‌.

ഓരോ രാജ്യത്തും ഉപയോഗിക്കാനായി പ്രത്യേകം മൊബൈല്‍ ഫോണുകളും പ്രത്യേകം സിംകാര്‍ഡുകളുമുണ്ട്‌. ഇങ്ങനെ 32 മൊബൈല്‍ ഫോണുകളാണ്‌ സ്വന്തമായുള്ളത്‌. 28 ലക്ഷം വിലവരുന്ന ലാപ്‌ടോപ്പാണ്‌ ഉപയോഗിച്ചിരുന്നത്‌. വസ്‌ത്രങ്ങളും, വാച്ചുകളും, പേനകളും എന്നുവേണ്ട ഉപയോഗിച്ചിരുന്ന എല്ലാവസ്‌തുക്കളും വിലപിടിച്ചതാണ്‌.

മലേഷ്യയില്‍ രാജുവിന്‌ വിവിഐപി പദവിയാണ്‌ ലഭിച്ചിരുന്നത്‌. മലേഷ്യയിലെ ഐടി രംഗത്തിന്‌ നല്‍കിയ സംഭാവനകളാണത്രേ രാജുവിനെ അവിടെ പ്രിയങ്കരനാക്കിയത്‌. മലേഷ്യക്ക്‌ രാജുവിനോടുള്ള പ്രിയത്തിന്റെ തെളിവാണ്‌ 2002ല്‍ ഹൈദരാബാദിലെ സത്യം കാമ്പസില്‍ മലേഷ്യന്‍ പ്രധാനമന്ത്രി മെഹ്‌ത്യാര്‍ മുഹമ്മദിന്റെ സന്ദര്‍ശനം. അടുത്തതായി സ്ഥാനമേറ്റ പ്രധാനമന്ത്രി അബ്ദുള്ള ഹാജി അഹ്മദ്‌ ബദ്‌ വായും സത്യം കാമ്പസില്‍ സന്ദര്‍ശനം നടത്തിയിരുന്നു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X