പൂതൃക്കയിലിന് ചികിത്സയ്ക്ക് അനുമതി
കൊച്ചി: സിസ്റ്റര് അഭയകേസിലെ രണ്ടാം പ്രതി ഫാദര് ജോസ് പൂതൃക്കയിലിന് ചികിത്സ തേടാന് കോടതി അനുമതി നല്കി.
തെള്ളകത്തെ കാരിത്താസ് ആശുപത്രിയില് നടുവേദനയ്ക്ക് ചികിത്സയ്ക്ക് പോകണമന്നാവശ്യപ്പെട്ട് പൂതൃക്കയില് നല്കിയ ഹര്ജിയില് തിങ്കളാഴ്ചയാണ് എറണാകുളം ചീഫ് ജുഡീഷ്യല് മജിസ്ട്രേട്ട് കോടതി അനുവാദം നല്കിയത്.
അഭയ കേസിലെ മൂന്നു പ്രതികളും മജിസ്ട്രേട്ടിന്റെ മുന്കൂര് അനുമതി കൂടാതെ താമസസ്ഥലം മാറരുതെന്ന് ജാമ്യം അനുവദിച്ചുകൊണ്ട് ഹൈക്കോടതി ഉത്തരവിട്ടിരുന്നു.
ഇതേത്തുടര്ന്നാണ് കോട്ടയം എസ്എച്ച് മൗണ്ടിലെ മൊണാസ്ട്രിയില് താമസിക്കുന്ന ഫാദര് പൂതൃക്കയില് ചികിത്സയ്ക്ക് പോകാനായി കോടതിയുടെ അനുമതി തേടിയത്.
പൂതൃക്കയിലിന് കൂടുതല് ചികിത്സ ആവശ്യമാണെന്ന വൈദ്യോപദേശം ഉള്പ്പെടെയുള്ള രേഖകള് പരിശോധിച്ചശേഷമാണ് മജിസ്ട്രേട്ട് പി.ഡി സോമന് ചികിത്സയ്ക്ക് അനുമതി നല്കിയത്.