വാര്‍ത്താസമ്മേളനത്തില്‍ വിഎസ്‌ പറഞ്ഞത്‌

വാര്‍ത്താസമ്മേളനത്തില്‍ വിഎസ്‌ പറഞ്ഞ കാര്യങ്ങള്‍ ഇങ്ങനെയാണ്‌

1 അഴിമതി പുറത്തുകൊണ്ടുവന്ന സിബിഐ റിപ്പോര്‍ട്ട്‌ കേരള ഹൈക്കോടതിയുടെ നിര്‍ദ്ദേശപ്രകാരം സമര്‍പ്പിച്ചതാണ്‌. ലാവലിന്‍ കേസില്‍ സിബിഐ അന്വേഷണത്തിന്‌ ഉത്തരവിട്ടത്‌ ഡിവിഷന്‍ ബഞ്ചാണ്‌

2 ഞാന്‍ ഭരണഘടനപ്രകാരം സത്യപ്രതിജ്ഞ ചെയ്‌ത ജനപ്രതിനിധിയാണ്‌, മുഖ്യമന്ത്രിയാണ്‌ കോടതി നിര്‍ദ്ദേശിച്ച അന്വേഷണത്തെ വിമര്‍ശിച്ചാല്‍ അത്‌ സത്യപ്രതിജ്ഞാ ലംഘനമാകും.

3 അന്വേഷണത്തിന്റെ ഓരോ ഘട്ടത്തിലും കോടതിയുടെ മേല്‍നോട്ടമുണ്ടായിരുന്നു. അങ്ങനെയിരിക്കേ അന്വേഷണത്തെ ചോദ്യം ചെയ്യുകയെന്നാല്‍ കോടതിയെ വെല്ലുവളിക്കുകയെന്നാണ്‌ അര്‍ത്ഥം.

4 അന്വേഷണത്തെ വിമര്‍ശിക്കുന്നവര്‍ക്ക്‌ അവരുടേതായ ന്യായങ്ങളുണ്ടാകും. കോടതിയേയും സിബിഐയെയും വിമര്‍ശിക്കാന്‍ ഞാന്‍ ഉദ്ദേശിക്കുന്നില്ല. പാര്‍ട്ടിപ്രവര്‍ത്തകനെന്ന നിലയില്‍ ജനം തിരഞ്ഞെടുത്ത ഞാന്‍ ചയ്യേണ്ടതുതന്നെയാണ്‌ ചെയ്യുന്നത്‌.

5 യഥാര്‍ത്ഥ കമ്യൂണിസ്റ്റുകാര്‍ ഒരു കാലത്തും അഴിമതിക്കാരായിട്ടില്ല. ആവുകയുമില്ല. ലാവലിന്‍ പ്രശ്‌നത്തില്‍ എന്റെ എല്ലാ അഭിപ്രായവും ഇപ്പോള്‍ ചര്‍ച്ചയില്‍ കൊണ്ടുവരുന്നില്ല. കോടതിയുടെ അന്തിമവിധിയ്‌ക്കുശേഷം കൂടുതല്‍ പ്രതികരിക്കും

6 ലാവലിന്‍ കേസിലെ പ്രോസിക്യൂഷന്‍ ആവശ്യം സംസ്ഥാന മന്ത്രിസഭ ചര്‍ച്ച ചെയ്യും.