കന്യകയെ ലേലത്തില്‍ കിട്ടും, വേണോ?

കാലിഫോര്‍ണിയയിലെ 22 കാരിയായ കന്യക തന്നെ ലേലത്തിന് വച്ചിരിയ്ക്കുകയാണ്. ഏറ്റവും കൂടുതല്‍ തുക നല്‍കുന്നവരോടൊപ്പം അന്തിയുറങ്ങാന്‍ നതാലി ‍ഡയലന്‍ എന്ന സുന്ദരി തയ്യാര്‍. ഉന്നത പഠനത്തിനായി പണം

കണ്ടെത്താനാണ് നതാലി ഇതിന് തയ്യാറാവുന്നത്. നതാലി എന്നത് സുന്ദരിയുടെ ശരിയായ പേരല്ല. ജനുവരി പകുതിയായപ്പോള്‍ തന്നെ ലേല തുക 37 ലക്ഷം ഡോളര്‍ എത്തിയിരുന്നു. ലേലത്തില്‍ പങ്കെടുക്കാനായി കൊടുക്കേണ്ട തുക കൊണ്ട് തന്നെ പത്ത് ലക്ഷത്തിലേറെ ഡോളര്‍ നേടാനായാല്‍ ലേലം ഉറപ്പിയ്ക്കലില്‍ നിന്ന് നതാലി പിന്മാറും. ബണ്ണിറാഞ്ചിലെത്തി രതി ആസ്വദിയ്ക്കലല്ല തന്റെ പ്രധാന ലക്ഷ്യമെന്ന് നതാലി ഇപ്പോള്‍ തന്നെ വ്യക്തമാക്കിയിട്ടുണ്ട്.

ലേലം കൊള്ളുന്നയാള്‍ക്ക് വൈദ്യ പരിശോധനയിലൂടെ നതാലിയുടെ കന്യകാത്തം ഉറപ്പിയ്ക്കാം. ബണ്ണി റാഞ്ചിന്റെ വൈബ്‍സൈറ്റിലാണ് ഇപ്പോള്‍ നതാലി തന്നെ ലേലത്തിന് വച്ചിരിയ്ക്കുന്നത്. കാര്‍സന്‍ സിറ്റിയിലെ ബണ്ണിറാഞ്ചില്‍ അവസാന ലേലം നടക്കും. യു എസിലെ ലൈസന്‍സുള്ള ഒരു വേശ്യാലയമാണ് ബണ്ണിറാഞ്ച്. ബണ്ണിറാഞ്ച് സ്ഥിതി ചെയ്യുന്ന നെവേദയില്‍ വേശ്യാവൃത്തി നിയമാനുസൃതമാണ്.

അങ്ങനെ എല്ലാപേര്‍ക്കും വില്‍ക്കാനാവാത്തത് താന്‍ വില്പനയ്ക്ക് വച്ചിരിയ്ക്കുകയാണെന്നാണ് നതാലി പറയുന്നത്. ഒറ്റതവണത്തേയ്ക്ക് മാത്രമാണ് ഈ ലേലം. ലേലം കൊള്ളന്നയാളുമായി അന്തിയുറങ്ങാനായി നതാലി ഒരു തവണ ബണ്ണിറാഞ്ച് സന്ദര്‍ശിയ്ക്കും.

'വിമന്‍സ് സ്റ്റഡീസില്‍' ബിരുദം നേടിയ നതാലിയ്ക്ക് മനശാസ്ത്രത്തില്‍ മാസ്റ്റേസ് ചെയ്യണം. തുടര്‍ന്ന് സൈക്കോളജിസ്റ്റായി പ്രാക്റ്റീസ് ചെയ്യണം. രണ്ടാനച്ഛന്‍ കള്ളം കാണിച്ച് തന്റെ പേരില്‍ വിദ്യാഭ്യാസ വായ്പ എടുത്ത് മുങ്ങികളഞ്ഞതിനാലാണ് നതാലിയ്ക്ക് പണം കണ്ടെത്താന്‍ ഈ വഴി തേടേണ്ടി വന്നത്.

നതാലിയുടെ ഈ നീക്കത്തെക്കുറിച്ച് പഴയ കൂട്ടുകാരികള്‍ക്ക് വ്യത്യസ്ത അഭിപ്രായമാണ്. കന്യകാത്തം സ്വന്തം പ്രേമഭാജനത്തിന് നല്‍കാനുള്ളതെന്ന് ചിലര്‍ പറയുമ്പോള്‍ നതാലിയുടെ നിലപാടിനെ ന്യായീകരിയ്ക്കുന്നവരും ഉണ്ടിതില്‍.