Get Updates
Get notified of breaking news, exclusive insights, and must-see stories!

പ്രതിപക്ഷ ബഹളം: നയപ്രഖ്യാപന പ്രസംഗം ഗവര്‍ണര്‍ വെട്ടിച്ചുരുക്കി

തിരുവനന്തപുരം: പ്രതിപക്ഷത്തിന്റെ ബഹളത്തോടെ നിയമസഭ ബജറ്റ് സമ്മേളനത്തിന് തുടക്കം. ലാവലിന്‍ കേസില്‍ പ്രതിചേര്‍ക്കപ്പെട്ടവരെ പ്രോസിക്യൂട്ട് ചെയ്യാന്‍ സര്‍ക്കാര്‍ അനുമതി നല്കണമെന്നാവശ്യപ്പെട്ടാണ് പ്രതിപക്ഷാംഗങ്ങള്‍ സഭയില്‍ ബഹളം വച്ചത്.

ബഹളത്തിനിടെ ഗവര്‍ണര്‍ ആര്‍എസ്എസ് ഗവായിയുടെ നയപ്രഖ്യാപന പ്രസംഗം തസസ്പ്പെട്ടു. ബഹളം രൂക്ഷമായതിനെ തുടര്‍ന്ന് 10 മിനിറ്റിന് ശേഷം ഗവര്‍ണര്‍ പ്രസംഗം സാങ്കേതികമായ അവസാനിപ്പിച്ചു.

ലാവലിന്‍ കേസില്‍ മുഖ്യമന്ത്രി ഭരണഘടന ബാധ്യത നിറവേറ്റണമെന്ന് ആവശ്യപ്പെട്ടാണ് പ്രതിപക്ഷം പ്ലക്കാഡുകള്‍ ഉയര്‍ത്തിപ്പിടിച്ച് ബഹളം ഉണ്ടാക്കിയത്. മുന്‍കൂട്ടി തയാറാക്കിയ പദ്ധതിയനുസരിച്ച് തന്നെയാണ് പ്രതിപക്ഷം സഭയിലെത്തിയത്.

പാര്‍ലമെന്ററി മര്യാദയനുസരിച്ച് നയപ്രഖ്യാപന പ്രസംഗം നടത്താന്‍ തന്നെ അനുവദിയ്ക്കണമെന്ന് ഗവര്‍ണര്‍ ആവശ്യപ്പെട്ടെങ്കിലും പ്രതിപക്ഷം അത് ചെവിക്കൊണ്ടില്ല.

പാലസ്തീന്‍ ജനതയ്ക്ക് സര്‍ക്കാര്‍ ഐക്യദാര്‍ഢ്യം പ്രഖ്യാപിയ്ക്കുന്നുവെന്ന് അറിയിച്ചു കൊണ്ടാണ് ഗവര്‍ണറുടെ പ്രസംഗം ആരംഭിച്ചത്. രാജ്യത്ത് നടന്ന തീവ്രവാദി സ്ഫോടനങ്ങളെ സര്‍ക്കാര്‍ അപലപിയ്ക്കുന്നു. ഭീകരാക്രമണത്തില്‍ പൊരുതി മരിച്ച സൈനികര്‍ക്ക് പ്രണാമം അര്‍പ്പിയ്ക്കുന്നു. തീവ്രവാദത്തെയും വര്‍ഗീയതയെയും സര്‍ക്കാര്‍ നേരിടും.സാന്പത്തിക മാന്ദ്യം നേരിടുന്നതിനുള്ള പ്രത്യേക പാക്കേജ് ബജറ്റില്‍ ഉണ്ടായിരിക്കുമെന്ന് നയപ്രഖ്യാപനത്തില്‍ പറഞ്ഞു.

ബഹളത്തെ തുടര്‍ന്ന് ഗവര്‍ണര്‍ പ്രസംഗം അവസാനിപ്പിച്ചയുടന്‍ പ്രതിപക്ഷം നിയമസഭയില്‍ നിന്നും ഇറങ്ങിപ്പോയി. ഗവര്‍ണറുടെ നയപ്രഖ്യാപന പ്രസംഗം മാത്രമായിരുന്നു കാര്യപരിപാടികളില്‍ ഉണ്ടായിരുന്നത്. നയപ്രഖ്യാപന പ്രസംഗം വെട്ടിച്ചുരുക്കി ഗവര്‍ണര്‍ മടങ്ങിയതോടെ സഭ വെള്ളിയാഴ്ചത്തേക്ക് പിരഞ്ഞു.

More From
Prev
Next
Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+