പിണറായിയ്ക്കും കാരാട്ടിനുമെതിരെ വീണ്ടും പോസ്റ്റര്
ദില്ലി: സിപിഎം സംസ്ഥാന സെക്രട്ടറി പിണറായി വിജയനും ദേശീയ സെക്രട്ടരി പ്രകാശ് കാരാട്ടിനുമെതിരെ ദില്ലിയില് വീണ്ടും പോസ്റ്ററുകള് പ്രത്യക്ഷപ്പെട്ടു.
ലാവലിന് കേസ് ഉയര്ത്തിവിട്ട വിവാദത്തിന്റെ കരിനിഴലില് പൊളിറ്റ് ബ്യൂറോ യോഗം ദില്ലിയില് നടക്കുകയാണ്. പിബി ചേരുന്ന ദിവസംതന്നെ പ്രമുഖ നേതാക്കള്ക്കെതിരെ പോസ്റ്ററുകള് പ്രത്യക്ഷപ്പെട്ടത് ശ്രദ്ധിക്കപ്പെട്ടിട്ടുണ്ട്
പിബി ശ്രദ്ധിക്കുക എന്ന തലക്കെട്ടുകളോടെയാണ് പോസ്റ്ററുകള് പതിച്ചിരിക്കുന്നത്. പിണറായിയ്ക്കുപുറമേ രാമചന്ദ്രന് പിള്ള, തോമസ് ഐസക് എന്നിവര്ക്കെതിരെയും പോസ്റ്ററുകളില് ആരോപണങ്ങളുണ്ട്. കേരളാ ഹൗസിനടുത്തും എകെജി ഭവനിലേയ്ക്കുള്ള റോഡരികിലുമാണ് പോസ്റ്ററുകള് സ്ഥാപിച്ചിരിക്കുന്നത്.
ലാവലിന് പ്രതിപ്പട്ടികയില് പിണറായി ഉള്പ്പെട്ടതായുള്ള വാര്ത്ത പുറത്തുവന്നതിന്റെ അടുത്ത ദിവസങ്ങളിലും ദില്ലിയില് പിണറായിയ്ക്കും കാരാട്ടിനുമെതിരെ പോസ്റ്ററുകള് വന്നിരുന്നു. അതേസമയംതന്നെ വിഎസ് അച്യുതാനന്ദനെ അനുകൂലിച്ചുകൊണ്ടുള്ള പോസ്റ്ററുകളിലും ദില്ലിയില് ചിലയിടങ്ങളില് പ്രത്യക്ഷപ്പെട്ടിരുന്നു.