Click it and Unblock the Notifications
Just In
Don't Miss
-
ഇനി പപ്പടമല്ല, നല്ല ഒന്നാന്തരം ഉരുക്കാണ്... ഇടിപ്പരീക്ഷയിൽ 4 സ്റ്റാർ-റേറ്റിംഗുമായി പുത്തൻ സ്വിഫ്റ്റ് -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
അച്ഛനെ പോലെ തന്നെയാണ് മകനും, യാതൊരു കഴിവുമില്ല! മുന്ഭര്ത്താവിനെ പറ്റിയും മകനെ കുറിച്ചും മലൈക അറോറ -
ഒരു വർഷത്തെ നേട്ടം 1932%, നിക്ഷേപകരെ കോടീശ്വരനാക്കിയ ഓഹരി, നിങ്ങൾ വാങ്ങുന്നോ..? -
കാലിഫോര്ണിയയില് ആകാശത്ത് കണ്ടത് അന്യഗ്രഹ ജീവി? മനുഷ്യരൂപത്തോടും കുരിശിനോടും സാദൃശ്യം -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
പാകിസ്‌താനില്‍ താലിബാന്‍ പിടിമുറുക്കുന്നു: സര്‍ദാരി
ഇസ്ലാമബാദ്‌: പാകിസ്‌താന്റെ ഭൂരിഭാഗം പ്രദേശങ്ങളിലും താലിബാന്‍ ശൃംഗലകള്‍ സ്ഥാപിച്ചതായി പ്രസിഡന്റ്‌ ആസിഫ്‌ അലി സര്‍ദാരി. രാജ്യത്തെ രക്ഷിക്കാന്‍ തീവ്രവാദികളുമായുള്ള യുദ്ധം അനിവാര്യമായിരിക്കുകയാണെന്നും അദ്ദേഹം പറഞ്ഞു.
120000 സൈനികര്‍ താലിബാന്‍ ഭീകരര്‍ക്കെതിരെ പോരാടുന്നുണ്ട്‌. തീവ്രവാദികള്‍ക്ക്‌ അനുകൂലമായി സര്‍ക്കാര്‍ പ്രവര്‍ത്തിക്കുന്നില്ല. അഫ്‌ഗാന്‍ അതിര്‍ത്തി പ്രദേശങ്ങളിലാണ്‌ തീവ്രവാദികളുടെ താവളം.
സൈന്യവും അതിര്‍ത്തിപ്രദേശത്തെ സൈന്യവും തീവ്രവാദികള്‍ക്കെതിരെ ശക്തമായ ചെറുത്തുനില്‍പ്‌ നടത്തുന്നുണ്ട്‌. ജനങ്ങളെയും സൈന്യത്തെയും ഞാന്‍അഭിനന്ദിക്കുന്നു- സര്‍ദാരി പറഞ്ഞു
ഒരു സ്വകാര്യ ടിവി ചാനലിന്‌ നല്‍കിയ അഭിമുഖത്തിലാണ്‌ രാജ്യത്ത്‌ താലിബാന്‍ പിടിമുറുക്കുന്നകാര്യം സര്‍ദാരി വെളിപ്പെടുത്തിയത്‌.
പാകിസ്‌താന്റെ ഭൂപ്രദേശങ്ങളില്‍ താലിബാന്റെ സ്വാധീനമുണ്ട്‌. ഭീകരരുടെ താവളമാണ്‌ പാകിസ്‌താനെന്ന്‌ കഴിഞ്ഞ ദിവസം അമേരിക്കന്‍ പ്രസിഡന്റ്‌ ബരാക്‌ ഒബാമ പറഞ്ഞിരുന്നു. ഇവര്‍ക്കെതിരെ ശക്തമായ നടപടികള്‍ സ്വീകരിക്കാന്‍ സര്‍ക്കാര്‍ തയ്യാറാവണമെന്നും അദ്ദേഹം ആവശ്യപ്പെട്ടിരുന്നു.
ഇക്കാര്യം സംബന്ധിച്ച്‌ സര്‍ദാരിയും ഒബാമയും ഫോണില്‍ ചര്‍ച്ചകള്‍ നടത്തിയതായി പാക്‌ വിദേശകാര്യമന്ത്രാലയം വെളിപ്പെടുത്തി.
താലിബാന്‍ സ്വാധീനമുറപ്പിക്കാന്‍ ശ്രമിക്കുന്ന സ്വാത്‌ താഴ്‌ വരയിലെ സ്ഥിതിഗതികള്‍ വിലയിരുത്താന്‍ സര്‍ദാരിയും പ്രധാനമന്ത്രി യൂസഫ്‌ റാസ ഗിലാനിയും കഴിഞ്ഞ ദിവസം സംയുക്ത യോഗം വിളിച്ചുചേര്‍ത്തിരുന്നു. അതിര്‍ത്തിപ്രദേശങ്ങളില്‍ തീവ്രവാദികള്‍ക്കെതിരെയുള്ള സൈനിക നടപടി തുടരാന്‍ യോഗം തീരുമാനിച്ചിട്ടുണ്ട്‌.
