ഇടക്കാല ബജറ്റ്‌ നിരാശാജനകമെന്ന്‌ വ്യവസായികളും

ദില്ലി: യുപിഎ സര്‍ക്കാറിന്റെ ഇടക്കാല ബജറ്റില്‍ വ്യവസായ മേഖലയ്‌ക്ക്‌ നിരാശ. പ്രണബ്‌ മുഖര്‍ജി അവതരിപ്പിച്ച ബജറ്റ്‌ ഒരു ചടങ്ങുതീര്‍ക്കലായിരുന്നുവെന്നാണ്‌ വ്യവസായ വൃത്തങ്ങള്‍ വിലയിരുത്തുന്നത്‌.

ഒരു മേഖലയ്‌ക്കും ബജറ്റില്‍ ആനുകൂല്യങ്ങള്‍ പ്രഖ്യാപിച്ചിട്ടില്ല. വ്യവസായ രംഗത്തെ പ്രമുഖരെല്ലാം ബജറ്റില്‍ നിരാശ പ്രകടിപ്പിച്ചു. ഇടക്കാല ബജറ്റല്ല രാഷ്‌്‌ട്രീയ പ്രസ്‌താവനയാണ്‌ പ്രണബ്‌ ലോക്‌സഭയില്‍ നടത്തിയതെന്ന്‌ പാര്‍സ്‌ വ്‌ നാഥ്‌ ഡവലപ്പേഴ്‌സ്‌ ചെയര്‍മാന്‍ പ്രദീപ്‌ ജയിന്‍ പറഞ്ഞു.

കൊട്ടക്‌ മഹീന്ദ്ര ബാങ്ക്‌ എംഡി ഉദയ്‌ കൊട്ടക്കും സമാനമായിട്ടാണ്‌ ബജറ്റിനോട്‌ പ്രതികരിച്ചത്‌. ബജറ്റ്‌ നിരാശപ്പെടുത്തിയെന്ന്‌ ടാറ്റ കണ്‍സള്‍ട്ടന്‍സി സിഎഫ്‌ഒ എസ്‌ മഹാലിംഗവും അഭിപ്രായപ്പെട്ടു. എന്നാല്‍ സര്‍ക്കാറിന്‌ ചെയ്യാന്‍ കഴിയുന്നതിന്റെ പരമാവധി ചെയ്‌തിട്ടുണ്ടെന്നാണ്‌ ഹിന്ദൂജ ഗ്രൂപ്പ്‌ പ്രതിനിധികള്‍ അഭിപ്രായപ്പെട്ടത്‌.