കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മറുപടി പറയേണ്ടത് കടവൂര്‍: പിണറായി

  • By Staff
Google Oneindia Malayalam News

കോട്ടയം: ലാവലിന്‍ കന്പനിയുടെ വിശദീകരണങ്ങള്‍ക്ക് മറുപടി നല്‍കേണ്ടത് അന്നത്തെ വൈദ്യുത മന്ത്രിയായിരുന്ന കടവൂര്‍ ശിവദാസനാണെന്ന് സിപിഎം സംസ്ഥാന സെക്രട്ടറി പിണറായി വിജയന്‍.ലാവലിന്‍റെ വിശദീകരണത്തെക്കുറിച്ച് താന്‍ ഇപ്പോള്‍ മറുപടി പറയുന്നില്ല. നവകേരള യാത്രയുടെ ഭാഗമായി കോട്ടയത്ത്‌ വാര്‍ത്താസമ്മേളനത്തില്‍ സംസാരിക്കുകയായിരുന്നു പിണറായി.

കടവൂരിന് മറുപടി നല്‍കാന്‍ തനിക്ക് ലാവലിനെ ആശ്രയിക്കേണ്ട കാര്യമില്ല. മലബാര്‍ കാന്‍സര്‍ സെന്ററിന് പണം ലഭിക്കാതിരിക്കാനുള്ള പ്രധാന ഉത്തരവാദി കടവൂര്‍ തന്നെയാണ്.
അന്ന് മുഖ്യമന്ത്രിയായിരുന്ന എ കെ ആന്‍റണി മലബാര്‍ കാന്‍സര്‍ സെന്‍റര്‍ സന്ദര്‍ശിച്ചപ്പോള്‍ ധാരണാപത്രം പുതുക്കുമെന്ന്‌ പറഞ്ഞിരുന്നെങ്കിലും എന്തുകൊണ്ട് അത് യാഥാര്‍ത്ഥ്യമായില്ലെന്ന് കടവൂര്‍ വ്യക്തമാക്കണമെന്നും പിണറായി ആവശ്യപ്പെട്ടു.

ലാവലിനുമായി നിയമപരമായ ബാധ്യതയുള്ള കരാറില്‍ ഏര്‍പ്പെടാത്തതാണ് മലബാര്‍ കാന്‍സര്‍ സെന്ററിന് പണം ലഭിയ്ക്കാതെ പോയതെന്ന് ഇ. ബാലാനന്ദന്‍ താനുള്ളപ്പോള്‍ ഒരിടത്തും പറ‍ഞ്ഞി‍ട്ടില്ല. ഞങ്ങളൊരുമിച്ച് ഒരേ കമ്മിറ്റിയില്‍ ഇരുന്നിട്ടുണ്ട്. ഇങ്ങനെയൊരു അഭിപ്രായം അദ്ദേഹം ഒരിയ്ക്കലും പറ‍‍‍ഞ്ഞിട്ടില്ല- പിണറായി പറഞ്ഞു.

സംവരണവിഷയത്തില്‍ ഞങ്ങള്‍ ഞങ്ങളുടെ നിലപാട്‌ വ്യക്‌തമാക്കിയിട്ടുണ്ട്‌. എന്‍എസ്‌എസിന്റെ സംശയം അബദ്ധമാണ്. യുവജനസംഘടനകള്‍ പൊലീസ്‌ സ്റ്റേഷനില്‍ കയറി പ്രതികളെ ഇറക്കി കൊണ്ടുപോകുന്നത്‌ ശരിയല്ല.പാര്‍ട്ടി നിലപാടിനെ വിമര്‍ശിക്കുന്നവരെയല്ല മാധ്യമ സിന്‍ഡിക്കേറ്റ് എന്ന് വിശേഷിപ്പിച്ചത്. പാര്‍ട്ടിക്കെതിരെ വ്യാജ വാര്‍ത്തകള്‍ സൃഷ്‌ടിക്കുന്ന ഏതാനും മാധ്യമപ്രവര്‍ത്തകരാണ്‌ സിന്‍ഡിക്കേറ്റിനു പിന്നിലുള്ളതെന്നും പിണറായി പറഞ്ഞു

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X