സര്വകലാശാലകള്ക്ക് 273 കോടി
തിരുവനന്തപുരം: ഈ സാന്പത്തിക വര്ഷം കേരളത്തിലെ ഏഴ് സര്വ്വകലാശാലകള്ക്കുമായി 273 കോടി രൂപ പദ്ധതിയേതര ചെലവിനായി നല്കുമെന്ന് ധനമന്ത്രി അറിയിച്ചു. കാര്ഷിക സര്വകലാശാലക്കും കണ്ണൂര് സര്വകലാശാലക്കും 30 ശതമാനം വര്ധനയും മറ്റു സര്വകലാശാലകള്ക്ക് 15 ശതമാനം വര്ധനയും ഇക്കാര്യത്തില് നടത്തിയിരിക്കുന്നത്.
മഹാത്മാഗാന്ധി സര്വകലാശാലയില് സെന്റര് ഫോര് എന്വയോണ്മെന്റ് ആന്റ് സസ്റ്റൈനബിള് ഡെവലപ്മെന്റ്, കൊച്ചി സര്വകലാശാലയില് സെന്റര് ഫോര് നാനോ മെറ്റീരിയല്സ് ആന്റ് ഡിവൈസസ്, കേരള സര്വകലാശാലയില് സെന്റര് ഫോര് ബയോ ഇന്ഫോമാറ്റിക്സ് എന്നിവ അന്തര് സര്വകലാശാലാ വിദ്യാകേന്ദ്രങ്ങളായി വികസിപ്പിക്കുന്നതിന് 10 കോടി രൂപയും കൊച്ചി സര്വകലാശാല നിയമവിഭാഗത്തിലെ സെന്റര് ഫോര് ഇന്റലക്ച്വല് പ്രോപ്പര്ട്ടി റൈറ്റ്സ് സ്റ്റഡീസിന് 3 കോടി രൂപയും വകയിരുത്തി.
സര്വകലാശാലകള് നേരിടുന്ന ധനപ്രതിസന്ധിയെക്കുറിച്ച് പഠിക്കുന്നതിന് ഒരു കമ്മറ്റിയെ നിയോഗിക്കും. സര്വ്വകലാശാലകളുടെ മൊത്തം പദ്ധതി അടങ്കല് 70 കോടിയായി ഉയര്ത്തുമെന്നും ബജറ്റ് അവതരിപ്പിച്ചു കൊണ്ട് ധനമന്ത്രി അറിയിച്ചു.
എംജി സര്വകലാശാലയില് ടൂറിസം വൊക്കേഷണല് കോഴ്സ് ആരംഭിക്കും. ഇടുക്കി, വയനാട്, കോഴിക്കോട്, ബാര്ട്ടണ്ഹില്, ശ്രീകൃഷ്ണപുരം എന്നിവിടങ്ങളിലെ എഞ്ചിനീയറിംഗ് കോളേജു കളുടെ അടിസ്ഥാന സൗകര്യ വികസനത്തിന് 12 കോടി രൂപ വകയിരുത്തി.