• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

റസൂല്‍ പൂക്കുട്ടിയ്‌ക്ക്‌ ഓസ്‌കാര്‍ പുരസ്കാരം

  • By Staff

ലോസ്‌ ആഞ്ചലസ്‌: കേരളം കോരിത്തരിച്ച നിമിഷങ്ങള്‍. ഇതാദ്യമായി മലയാളത്തിന്റെ, മലയാളിയുടെ ശബ്ദം ഓസ്കാര്‍ വേദിയില്‍ അലയടിച്ചു.

മികച്ച ശബ്ദമിശ്രണത്തിനുള്ള ഓസ്കാര്‍ പുരസ്‌കാരം ഏറ്റുവാങ്ങിയ റസൂല്‍ പൂക്കുട്ടിയെന്ന മലയാളി ഓസ്കാര്‍്‍ ചരിത്രത്തില്‍ കേരളത്തിന്റെ പേര്‌ എഴുതിച്ചേര്‍ത്തു.

ഇന്ത്യന്‍ പശ്ചാത്തലത്തില്‍ നിര്‍മ്മിച്ച ബ്രിട്ടീഷ്‌ ചിത്രമായ സ്ലം ഡോഗ്‌ മില്യനയര്‍ എന്ന ചിത്രത്തിലെ ശബ്ദ മിശ്രണത്തിനാണ്‌ റസൂല്‍ പൂക്കുട്ടിയെന്ന മലയാളിയ്‌ക്ക്‌ ഓസ്‌കാര്‍ പുരസ്‌കാരം ലഭിച്ചത്‌. അതുകൊണ്ടുതന്നെ എണ്‍പത്തിയൊന്നാമാത്‌ ഓസ്‌കാര്‍ പുരസ്‌കാരച്ചടങ്ങ്‌ ഇന്ത്യയ്‌ക്ക്‌ അതിലുപരി കേരളത്തിന്‌ മറക്കാന്‍കഴിയാത്തതായി മാറി.

പുരസ്‌കാരം രാജ്യത്തിന്‌ സമര്‍പ്പിക്കുന്നുവെന്നാണ്‌ അവാര്‍ഡ്‌ സ്വീകരിച്ചുകൊണ്ട്‌ റസൂല്‍ പറഞ്ഞത്‌. അവാര്‍ഡ്‌ പ്രഖ്യാപിച്ച്‌ കഴിഞ്ഞപ്പോള്‍ സന്തോഷം അടക്കാന്‍ കഴിയാഞ്ഞ റസൂലിന്‌ വേദിയില്‍ വാക്കുകള്‍ കിട്ടിയില്ല. വേദിയോട്‌ സോറി എന്നുപറഞ്ഞ്‌ ഏതാനും നിമിഷങ്ങള്‍ക്കുശേഷമാണ്‌ റസൂല്‍ വീണ്ടും സംസാരിച്ചത്‌.

ബാനു അത്തയ്യ, സത്യജിത്ത്‌ റേ എന്നിവര്‍ക്ക്‌ ശേഷം ഓസ്‌കാര്‍ നേടിയ ഇന്ത്യക്കാരന്‍ എന്ന വിശേഷണവും റസൂല്‍ പൂക്കൂട്ടിയ്‌ക്ക്‌ സ്വന്തം. സ്ലം ഡോഗ്‌ മില്യനയര്‍ ഇതിനകം തന്നെ അഞ്ച്‌ ഓസ്‌കാര്‍ പുരസ്‌കാരങ്ങള്‍ സ്വന്തമാക്കിക്കഴിഞ്ഞു. മികച്ച പശ്ചാത്തല സംഗീതത്തിനുള്ള അവാര്‍ഡ്‌ ഇന്ത്യക്കാരനായ എ.ആര്‍ റഹ്മാനാണ്‌.

മില്യനയറിന്റെ തരിക്കഥാകൃത്ത്‌ സൈമണ്‍ ബോഫോയ്‌ മികച്ച അവലംബിത തിരക്കഥയ്‌ക്കുള്ള പുരസ്‌കാരം നേടിയപ്പോള്‍ ആന്റണി ഡോഡ്‌ മാന്റ്‌ലേ ഛായാഗ്രാഹകനുള്ള അവാര്‍ഡ്‌ സ്വന്തമാക്കി.

കൊല്ലം അഞ്ചല്‍ വിളക്കുപാറ സ്വദേശിയാണ്‌ മുപ്പത്തിയഞ്ചുകാരനായ റസൂല്‍ പൂക്കുട്ടി. പത്തുവര്‍ഷമായി മുംബൈയില്‍ സ്ഥിരതാമസമാക്കിയ റസൂല്‍ എ ആര്‍ റഹ്മാനൊപ്പമാണ്‌ ഇപ്പോള്‍ പ്രവര്‍ത്തിക്കുന്നത്‌. പുനെ ഫിലിം ഇന്‍സ്റ്റിറ്റിയൂട്ടിലാണ് ഇദ്ദേഹം പഠിച്ചത്‌. വിവാഹിതനായ റസൂലിന്‌ രണ്ട്‌ കുട്ടികളുണ്ട്‌.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more