• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ഓസ്‌കാര്‍ പെരുമയുമായി പൂജ സോനാഗച്ചിയില്‍

  • By Staff
കൊല്‍ക്കത്ത: 'സ്ലംഡോഗ്‌ മില്യനയര്‍' എന്ന ചിത്രത്തിലൂടെ സ്വന്തമാക്കിയ ഓസ്‌കാര്‍ അവാര്‍ഡുകളുടെ പെരുമയുമായി ഇന്ത്യ തിളങ്ങിനില്‍ക്കുമ്പോള്‍ ഇതിന്‌ മുമ്പ്‌ ഓസ്‌കാര്‍ പുരസ്‌കാരം ഉള്‍പ്പെടെയുള്ള ബഹുമതികള്‍ നേടിയ ചിത്രത്തിലെ നായിക ലൈംഗികത്തൊഴിലാളിയായി ജീവിക്കുന്നു.

2005ലെ ഏറ്റവും മികച്ച ഡോക്യുമെന്ററിയ്‌ക്കുള്ള ഓസ്‌കാര്‍ ഉള്‍പ്പെടെ ഇരുപത്തിയേഴോളം ദേശീയ അന്തര്‍ദേശീയ പുരസ്‌കാരങ്ങള്‍ നേടിയ 'ബോണ്‍ ഇന്‍ ടു ബ്രോത്തല്‍' എന്ന ചിത്രത്തില്‍ അഭിനയിച്ച പൂജയെന്ന കുട്ടിയാണ്‌ കൊല്‍ക്കത്തയിലെ ചുവന്ന തെരുവായ സോനാഗാച്ചിയില്‍ കഴിയുന്നത്‌.

മുംബൈയിലെ ചുവന്നതെരുവില്‍ വേശ്യാവൃത്തി ചെയ്യുന്ന സ്‌ത്രീകളുടെ കുഞ്ഞുങ്ങളെക്കുറിച്ച്‌ തയ്യാറാക്കിയ ഈ ഡോക്യുമെന്ററി ഏറെ ചര്‍ച്ചചെയ്യപ്പെട്ടിരുന്നു. ചിത്രത്തില്‍ അഭിനയിച്ച കുട്ടികള്‍ത്തന്നെയായിരുന്നു പലപ്പോഴും ക്യാമറപോലും കൈകാര്യം ചെയ്‌തിരുന്നത്‌. 2005ലെ ഓസ്‌കാര്‍ അവാര്‍ഡ്‌ദാനച്ചടങ്ങില്‍ പങ്കെടുക്കാന്‍ പൂജ എന്ന പ്രീതി മുഖര്‍ജി ലോസാഞ്ചലസിലെ കോഡക്‌ തിയേറ്ററില്‍ എത്തിയിരുന്നു.

പിന്നീട്‌ ലഭിച്ച പല പുരസ്‌കാരങ്ങള്‍ ഓരോന്നും ഏറ്റുവാങ്ങുന്ന ചടങ്ങുകളിളെല്ലാം പ്രീതി സംവിധായകരായ സനാ ബ്രിസ്‌കി, റോസ്‌ കോഫ്‌മാന്‍ എന്നിവര്‍ക്കൊപ്പം പങ്കെടുത്തിരുന്നു. അന്ന്‌ പലവേദികളിലായി തിളങ്ങിയ ഈ പെണ്‍കുട്ടിയ്‌ക്ക്‌ പിന്നീട്‌ അമ്മയുടെ വഴിതന്നെ പിന്തുടരേണ്ടിവന്നു.

2005ല്‍ ചിത്രമെടുത്തപ്പോള്‍ പൂജയ്‌ക്ക്‌ 11വയസ്സായിരുന്നു പ്രായം. അന്ന്‌ പൂജയോടൊപ്പം ചിത്രത്തില്‍ അഭിനയിച്ച മിക്ക കുട്ടികള്‍ക്കും ഈ ദുരവസ്ഥ വന്നുചേര്‍ന്നിട്ടില്ല. എന്നാല്‍ പതിനഞ്ചുകാരിയായ പൂജ ഇപ്പോള്‍ കസ്‌റ്റമേഴ്‌സിനെക്കാത്ത്‌ ചുവന്നതെരുവില്‍ ജീവിക്കുകയാണ്‌.

അന്നത്തെ കുട്ടികളെ പലരെയും ചിത്രത്തിന്റെ സംവിധായകര്‍ തന്നെ വിദേശത്ത്‌ വിട്ട്‌ പഠിപ്പിക്കുകയാണ്‌. പൂജയെയും അവരോടൊപ്പം വിട്ടുകൊടുക്കാന്‍ അവര്‍ പറഞ്ഞെങ്കിലും ഏകമകളാണെന്നു പറഞ്ഞ്‌ പൂജയുടെ അമ്മ അന്ന്‌ അവളെ പഠിക്കാന്‍ അയച്ചില്ല. അമ്മ രാഖിയുടെ മുറിയില്‍ മകള്‍ ഓസ്‌കാര്‍ ചടങ്ങുകളില്‍ പങ്കെടുക്കുന്നതിന്റെ ചിത്രം തൂക്കിയിട്ടിരിക്കുന്നു.

ഓസ്‌കാറിന്റെ പെരുമയുള്ളതുകൊണ്ടാകണം താരതമ്യേന വിലകൂടിയ ലൈംഗികത്തൊഴിലാളികള്‍ താമസിക്കുന്ന ഫ്‌ളാറ്റിലാണ്‌ പൂജയിപ്പോള്‍ താമസിക്കുന്നത്‌. പുകവലിയും മദ്യപാനവും കൂട്ടിനുണ്ട്‌. എങ്ങനെ പൂജയും ഈ വഴിയിലെത്തിയെന്ന ചോദ്യത്തിന്‌ ആര്‍ക്കും ഉത്തരമില്ല. എന്നാല്‍ ഇപ്പോള്‍ സോനാഗച്ചിയിലെ പ്രബലമായ ഒരു സെക്‌സ്‌ റാക്കറ്റിന്റെ കൈവശമാണ്‌ പൂജയെന്നും ആരുവിചാരിച്ചാലും അവളെ രക്ഷപ്പെടുത്താന്‍ കഴിയില്ലെന്നും ചിലര്‍ പറയുന്നു.

Oneindia യില് നിന്നും തല്സമയ വാര്ത്തകള്ക്ക്
ഉടനടി വാര്ത്തകള് ദിവസം മുഴുവന് ലഭിക്കാന്

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more