ബഫറ്റിന്റെ പിന്ഗാമി ഇന്ത്യന് വംശജന്
വാഷിംഗ്ടണ്: ബില് ഗേറ്റ്സിനെ പിന്തള്ളി ലോകത്തിലെ സന്പന്നനായി മാറിയ ഇന്വെസ്റ്റ്മെന്റ് ഗുരു വാറന് ബഫറ്റ് തന്റെ പിന്ഗാമിയായി ഇന്ത്യന് വംശജന് അജിത് ജയിനെ തിരഞ്ഞെടുത്തേക്കുമെന്നു സൂചന. ബഫറ്റിന്റെ സ്ഥാപനത്തില് റീ ഇന്ഷുറന്സ് വിഭാഗം കൈകാര്യം ചെയ്യുകയാണ് അജിത്ത്.
തന്റെ സ്ഥാപനമായ ബര്ക്ഷെയര് ഹത്താവേയുടെ ഓഹരി ഉടമകള്ക്ക് ബഫറ്റ് എഴുതിയ വാര്ഷിക കത്തില് അജിത്ത് ജയിനെ നിര്ലോപം പ്രശംസിച്ചിതാണ് പുതിയ അഭ്യൂഹങ്ങള്ക്ക് വഴിതെളിച്ചിരിയ്ക്കുന്നത്.
1986-ല് ബര്ക്ഷെയറില് ജോലിയില് പ്രവേശിച്ച അജിത്ത് വളരെ വേഗം സമര്ഥനായ ഉദ്യോഗസ്ഥനാണെന്ന് തെളിയിച്ചതായി ബഫറ്റിന്റെ കത്തിലുണ്ട്.
അസാമാന്യ കഴിവുള്ളയാളാണ് അജിത്തെന്ന് അന്നുതന്നെ ഞാന് മനസിലാക്കിയിരുന്നു. അജിത്തിനെപ്പോലെ മറ്റൊരാളുണ്ടോ എന്ന് ചോദിച്ച് ദില്ലിയിലുള്ള അദ്ദേഹത്തിന്റെ മാതാപിതാക്കള്ക്ക് കത്തെഴുതക പോലുമുണ്ടായി. കത്തെഴുതുന്നതിനു മുന്പേ എനിക്ക് ഉത്തരം അറിയാമായിരുന്നു. അജിത്തിനെപ്പോലൊരാള് ഉണ്ടാവില്ല.
കേവലം 31 പേരെവച്ചുമാത്രം നടത്തിക്കൊണ്ടുപോകുന്ന റീഇന്ഷുറന്സ് വിഭാഗം ഇപ്പോള് കോടികളാണ് നേടിത്തരുന്നതെന്നും ബഫറ്റ് പറയുന്നു. ഖൊരഖ്പൂര് ഐഐടിയില് നിന്ന് ബിരുദവും ഹാര്വാഡ് സര്വകലാശാലയില് നിന്ന് എംബിഎയും കരസ്ഥമാക്കിയ അജിത്ത് ജയിന് ഭാര്യയുമൊത്ത് അമേരിക്കയിലേക്ക് കുടിയേറുകയായിരുന്നു.
കഴിഞ്ഞ വര്ഷമാണ് ഉറ്റസുഹൃത്തായ മൈക്രോസോഫ്റ്റ് മേധാവി ബില് ഗേറ്റ്സിനെ പിന്തള്ളി വാറന് ബഫറ്റ് ഫോബ്സ് മാസിക തയാറാക്കുന്ന അതിസന്പന്നരുടെ പട്ടികയില് ഒന്നാമതെത്തിയത്.