• search
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ഗാന്ധി സ്‌മൃതിലേലം: പുതിയ ആവശ്യവുമായി ജയിംസ്‌

  • By Staff
Gandhi's Belongings
വാഷിങ്‌ടണ്‍: ഗാന്ധിജി ഉപയോഗിച്ചിരുന്ന കണ്ണടയും വാച്ചും ഉള്‍പ്പെടെയുള്ള അമൂല്യവസ്‌തുക്കള്‍ ലേലം ചെയ്യാതിരിക്കാന്‍ വസ്‌തുക്കളുടെ ഉടമസ്ഥനായ ജെയിംസ്‌ ഓട്ടിസ്‌ പുതിയ ആവശ്യവുമായി രംഗത്തെത്തി.

ഇന്ത്യയുടെ ബജറ്റില്‍ പ്രതിരോധ വകുപ്പിന്‌ ചെലവഴിക്കുന്നതിനേക്കാള്‍ തുക ആരോഗ്യമേഖലയ്‌ക്ക്‌ വേണ്ടി നീക്കിവയ്‌ക്കുകയാണെങ്കില്‍ ലേലം മാറ്റിവയ്‌ക്കാമെന്നാണ്‌ ജയിംസ്‌ പറയുന്നത്‌. ന്യൂയോര്‍ക്കിലെ ഇന്ത്യന്‍ നയതന്ത്ര ഉദ്യോഗസ്ഥനായ പ്രഭു ദയാലിന്‌ നല്‍കിയ കത്തിലാണ്‌ ജയിംസ്‌ ഇക്കാര്യം വ്യക്തമാക്കിയിരിക്കുന്നത്‌.

ആന്റിക്വേറിയം കമ്പനി ഈ വസ്‌തുക്കളുടെ ലേലം വ്യാഴാഴ്‌ചയാണ്‌ നടത്തുക. ഇതിന്‌ മുമ്പ്‌ ഇന്ത്യയുടെ ആഭ്യന്തര ഉല്‍പാദനത്തിന്റെ അഞ്ചുശതമാനം പാവപ്പെട്ടവരുടെ ഉന്നമനത്തിനായി മാറ്റിവയ്‌ക്കുകയാണെങ്കില്‍ ലേലം മാറ്റിവയ്‌ക്കാമെന്നായിരുന്നു ജെയിംസ്‌ കഴിഞ്ഞ ദിവസം പറഞ്ഞിരുന്നത്‌.

വ്യാഴാഴ്‌ച ലേലം നടക്കാനിരിക്കെ ഈ അമൂല്യവസ്‌തുക്കള്‍ ഏതുവിധേനയും ഇന്ത്യയിലെത്തിക്കകണമെന്ന്‌ കേന്ദ്രസര്‍ക്കാര്‍ അമേരിക്കയിലെ ഇന്ത്യന്‍ നയതന്ത്രജ്ഞര്‍ക്ക്‌ നിര്‍ദേശം നല്‍കിയിട്ടുണ്ട്‌. ഗാന്ധിജി ഉപയോഗിച്ചിരുന്ന കണ്ണട, പോക്കറ്റ്‌ വാച്ച്‌, ചെരിപ്പ്‌, രണ്ട്‌ പാത്രങ്ങള്‍ എന്നിവയാണ്‌ ലേലത്തിന്‌ വച്ചിരിക്കുന്നത്‌.

ലേലത്തില്‍ ഇവ സ്വന്തമാക്കാനായി അമേരിക്കയിലെ ഇന്ത്യന്‍ വംശജര്‍ മത്സരം തുടങ്ങിയിട്ടുണ്ട്‌. ഇന്ത്യന്‍ അധികൃതര്‍ ജെയിംസിനെ നേരില്‍ക്കണ്ട്‌ വസ്‌തുക്കള്‍ ആവശ്യപ്പെട്ടിരുന്നു. എന്നാല്‍ ഈ വസ്‌തുക്കള്‍ക്ക്‌ ഇന്ത്യയിട്ട വില തീരെ കുറഞ്ഞുപോയെന്നാണ്‌ ഓട്ടിസ്‌ പറഞ്ഞത്‌.

തന്റെ കണ്ണടയും കണ്ണടക്കൂടും ഗാന്ധിജി ഒരു ആര്‍മി കേണലിന്‌ സമ്മാനിച്ചതാണ്‌. പോക്കറ്റ്‌ വാച്ചും പാത്രങ്ങളും ആഭാ ഗാന്ധിയ്‌ക്ക്‌ നല്‍കി. തുകല്‍ച്ചെരിപ്പുകള്‍ യെമനില്‍വച്ച്‌ തന്റെ ഫോട്ടോയെടുത്ത ഒരു ബ്രിട്ടീഷ്‌ മിലിട്ടറി ഓഫീസര്‍ക്ക്‌ സമ്മാനിച്ചുവെന്നുമാണ്‌ പറയപ്പെടുന്നത്‌. പുരാവസ്‌തുക്കള്‍ ശേഖരിക്കുന്ന ജെയിംസ്‌ ഇത്‌ പലരില്‍ നിന്നായി വാങ്ങുകയാണുണ്ടായതത്രേ.

കൂടുതൽ ഇന്ത്യ വാർത്തകൾView All

Oneindia യില് നിന്നും തല്സമയ വാര്ത്തകള്ക്ക്
ഉടനടി വാര്ത്തകള് ദിവസം മുഴുവന് ലഭിക്കാന്

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more