4ദിവസം പ്രായമായ കുഞ്ഞിനെ പിതാവ് കിണറ്റിലെറിഞ്ഞു
ചെന്നൈ: നാലു ദിവസം മാത്രം പ്രായമുള്ള മകളെ സോഫ്റ്റ് വേര് എന്ജിനീയറായ പിതാവ് കിണറ്റില് എറിഞ്ഞു കൊലപ്പെടുത്തി. ബാംഗ്ലൂരില് ജോലിചെയ്യുന്ന നിരഞ്ജന് കുമാര് എന്ന മുപ്പതുകാരനാണ് സ്വന്തം കുഞ്ഞിനെ കിണറ്റില് എറിഞ്ഞ് കൊലപ്പെടുത്തിയത്.
ചെന്നൈയിലുള്ള ഭാര്യവീട്ടില് വച്ചാണ് സംഭവം നടന്നത്. നിരഞ്ജനും സംഗീതയും തമ്മില് ഒരു വര്ഷം മുമ്പാണ് വിവാഹിതരായത്. വിവാഹം കഴിഞ്ഞ് നാലു വര്ഷത്തേയ്ക്ക് കുഞ്ഞുങ്ങള് വേണ്ടെന്നായിരുന്നുവത്രേ നിരഞ്ജന്റെ നിലപാട്.
ഇതിനിടെ സംഗീത ഗര്ഭിണിയായപ്പോള് ആ കുഞ്ഞിനെ വേണ്ടെന്നുവയ്ക്കാന് നിരഞ്ജന് ആവശ്യപ്പെട്ടു. ഇതംഗീകരിക്കാന് കഴിയാതെ സംഗീത സ്വന്തം വീട്ടിലേയ്ക്ക് പോരുകയായിരുന്നു. സോഫ്റ്റ് വേര് എന്ജിനീയര് ആയിരുന്ന സംഗീത വിവാഹശേഷം ജോലി രാജിവയ്ക്കുകയായിരുന്നു.
പിന്നീട് ഭാര്യ പെണ്കുഞ്ഞിനെ പ്രസവിച്ചുവെന്നറിഞ്ഞപ്പോള് കുഞ്ഞിനെ കാണാനെന്ന വ്യാജേനയാണ് നിരഞ്ജന് ചെന്നൈയിലെ വീട്ടില് എത്തിയത്. വെള്ളിയാഴ്ച സംഗീത ഉറങ്ങിക്കിടക്കുമ്പോള് കുഞ്ഞിനെ കൊണ്ടുപോയി അടുത്ത വീട്ടിലെ കിണറ്റില് എറിയുകയായിരുന്നു.
സ്ത്രീധനത്തിന്റെ പേരില് ഇയാള് ഭാര്യയെ ഇടക്കിടെ ഉപദ്രവിക്കാറുണ്ടായിരുന്നുവത്രേ. സംഗീതയുടെ മാതാപിതാക്കളുടെ പരാതിയെത്തുടര്ന്ന് അറസ്റ്റിലായ നിരഞ്ജന് കുറ്റം സമ്മതിച്ചിട്ടുണ്ട്. കോടതിയില് ഹാജരാക്കിയ ഇയാളെ ജുഡീഷ്യല് കസ്റ്റഡിയില് റിമാന്റ് ചെയ്തിരിക്കുകയാണ്.