പുതിയ കമ്പനികള്ക്ക് ഫണ്ടിങ്
ബാംഗ്ലൂര്: സാങ്കേതിക വിദ്യാരംഗത്തെ പുതിയ സംരംഭകര്ക്ക് മൂലധസഹായം നല്കുന്ന ഐഡിജി വെന്റ്വേര്സ് ഇന്ത്യയും മൈക്രോസോഫ്റ്റ് കോര്പ്പറേഷന് ഇന്ത്യയും ഒരുമിച്ച് പുതിയ പദ്ധതിയ്ക്ക് രൂപം നല്കി.
നൂറ് കോടിവരെ നിക്ഷേപമുള്ള തുടക്കക്കാരായ സംരംഭകര്ക്കും കമ്പനികള്ക്ക് പദ്ധതിയിന്കീഴില് സഹായം ലഭ്യമാകും. ഇത്തരം കമ്പനികള്ക്ക് മൂന്നുവര്ഷം വരെ മൈക്രോസോഫ്റ്റിന്റെ ഉപകരണങ്ങളും സാങ്കേതിക വിദ്യയും ഉപയോഗിക്കാനും 25കോടി രൂപവരെ ഫണ്ട് സ്വരൂപിക്കാനും കഴിയും.
ഐഡിജി വെന്റ്വേര്സ് ആണ് ഫണ്ട് നല്കുക. ഡിസംബര് 2009വരെ ഐഡിജി മൈക്രോസോഫ്റ്റിന്റെ ഫണ്ടിങ് പങ്കാളികളാണെന്ന് ഐഡിജി വെന്റേഴ്സ് ഇന്ത്യയുടെ ചെയര്മാന് സുധീര് സേഥി പറഞ്ഞു.
തുടക്കക്കാരായ കമ്പനികള്ക്ക് സഹായം ലഭ്യമാക്കുന്ന മൈക്രോസോഫ്റ്റിന്റെ ബിസ്പാര്ക് പദ്ധതി ഡിസംബറിലാണ് ഇന്ത്യയില് തുടങ്ങിയത്. ഇതുവരെ 275 കമ്പനികള് ഈ സഹായം സ്വീകരിച്ചിട്ടുണ്ട്.
ബിസിനസ് രംഗത്ത് മൂന്നുവര്ഷമെങ്കിലുമായ കമ്പനികളെയും അഞ്ച് കോടിയില് കൂടുതല് ലാഭമുണ്ടാക്കാന് കഴിയാത്ത കമ്പനികളെയുമാണ് ബിസ്പാര്ക്കിലൂടെ സഹായിക്കുന്നത്.
മൈക്രോസോഫ്റ്റുമായുള്ള പങ്കാളിത്തത്തിലൂടെ പുത്തന് ആശയങ്ങളുമായി പ്രവര്ത്തിക്കുന്ന മൂന്നോ നാലോ കമ്പനികളെ കണ്ടെത്തി നൂറു കോടിവരെ നിക്ഷേപിക്കാനും ഐഡിജി വന്റ്വേഴ്സ് ലക്ഷ്യമിടുന്നുണ്ട്.
ഫണ്ടിങ് ഉള്പ്പെടെയുള്ള കാര്യങ്ങള് വേഗത്തിലും സുതാര്യവുമായി നടത്താമെന്നതും ഈ പദ്ധതിയുടെ പ്രധാന സവിശേഷതകളില് ഒന്നാണെന്ന് ഐഡിജി ഇന്ത്യയുടെ അധികൃതര് വെളിപ്പെടുത്തി.