വരുണിന് മുന്കൂര് ജാമ്യം
മാര്ച്ച് 27വരെയാണ് പിലിബിത്തിലെ സ്ഥാനാര്ത്ഥിയായ വരുണിന് ജാമ്യം അനുവദിച്ചിരിക്കുന്നത്. 50000 രൂപയുടെ വ്യക്തിഗത ബോണ്ടിന്മേലാണ് ജാമ്യം അനുവദിച്ചത്.
വര്ഗീയത വളര്ത്തുന്ന രീതിയില് പ്രസംഗിച്ചുവെന്ന ആരോപണത്തില് വരുണ് വെള്ളിയാഴ്ച തിരഞ്ഞെടുപ്പ് കമ്മീഷന് വിശദീകരണം നല്കിയിട്ടുണ്ട്. വെള്ളിയാഴ്ച 11 മണിയ്ക്കുള്ളില് വിശദീകരണം നല്കണമെന്നായിരുന്നു തിരഞ്ഞെടുപ്പ് കമ്മീഷന് വരുണിനോട് ആവശ്യപ്പെട്ടത്.
മാധ്യമങ്ങള് പ്രസിദ്ധീകരിച്ച തന്റെ പ്രസംഗങ്ങളുടെ സിഡി വ്യാജമാണെന്ന് വരുണ് വ്യക്തമാക്കിയിട്ടുണ്ട്. അങ്ങനെയാണെങ്കില് അത് തെളിയിക്കേണ്ട ബാധ്യത വരുണിന് തന്നെയാണെന്നാണ് കമ്മീഷന്റെ നിലപാട്.
സിഡിയുടെ ഒരു പകര്പ്പ് കമ്മീഷന് അധികൃതര് വരുണിന് കൈമാറിയിട്ടുണ്ട്. അമ്മ മേനകാ ഗാന്ധിയ്ക്കൊപ്പം വരുണ് താമസിക്കുന്ന വീട്ടില് എത്തിയ യുപി തിരഞ്ഞെടുപ്പ് കമ്മീഷന് ഉദ്യോഗസ്ഥരാണ് സിഡിയുടെ പകര്പ്പ് കൈമാറിയത്.