കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മുന്നണി വിട്ടാല്‍ ദള്‍ പിളരാന്‍ സാധ്യത

  • By Staff
Google Oneindia Malayalam News

കോഴിക്കോട്‌: മാര്‍ച്ച്‌ 22ന്‌ ചേരുന്ന ജനതാദള്‍ സംസ്ഥാന കൗണ്‍സില്‍ യോഗത്തില്‍ ഇടതു മുന്നണി വിടാനുള്ള കടുത്ത തീരുമാനം ഉണ്ടായാല്‍ പാര്‍ട്ടി പിളരുമെന്ന്‌ സൂചന. ജനതാദള്‍ സംസ്ഥാന അധ്യക്ഷന്‍ വീരേന്ദ്ര കുമാറും പാര്‍ട്ടിയിലെ മറ്റു പ്രധാന നേതാക്കളും പുറപ്പെടുവിയ്‌ക്കുന്ന പ്രസ്‌താവനകള്‍ കൂട്ടി വായിച്ചാല്‍ ഇക്കാര്യം വ്യക്തമാകും.

പാര്‍ട്ടി നിര്‍ദ്ദേശമനുസരിച്ച്‌ രാജിവെച്ച മാത്യു ടി തോമസിന്റെ നിലപാടുകളും പിളര്‍പ്പിന്റെ സൂചനകളാണ്‌ നല്‌കുന്നത്‌. പാര്‍ട്ടി പറയുന്നതെന്തും അനുസരിയ്‌ക്കും. പക്ഷേ ആത്മഹത്യ ചെയ്യാന്‍ പറഞ്ഞാല്‍ തയ്യാറല്ല എന്നായിരുന്നു മാത്യു ടി തോമസ്‌ കഴിഞ്ഞ ദിവസം മാധ്യമങ്ങളോട്‌ പറഞ്ഞത്‌. മുന്നണി വിടുന്നത്‌ ആത്മഹത്യപരമാണെന്ന നിലപാടാണ്‌ മാത്യു ടി തോമസ്‌ അടക്കമുള്ള നേതാക്കള്‍ക്കുള്ളതെന്ന്‌ ഇതില്‍ നിന്ന്‌ വ്യക്തം.

കഴിഞ്ഞ ദിവസം ചേര്‍ന്ന സംസ്ഥാന എക്‌സിക്യൂട്ടീവിലും മാത്യു ടി തോമസ്‌ ഈ നിലപാടില്‍ തന്നെയാണ്‌ ഉറച്ചു നിന്നത്‌. ദേശീയതലത്തില്‍ ബിജെപിയ്‌ക്കും കോണ്‍ഗ്രസിനെയും ബദലായി മൂന്നാംമുന്നണി രൂപീകരിച്ചിരിയ്‌ക്കെ കേവലം ഒരു സീറ്റിന്റെ പേരില്‍ രാഷ്ട്രീയ നിലപാടുകള്‍ മാറ്റിപ്പറയുന്നത്‌ ശരിയല്ലെന്നായിരുന്നു മാത്യു ടി തോമസ്‌ പറഞ്ഞത്‌.

ഞായറാഴ്‌ച ചേരുന്ന സംസ്ഥാന കൗണ്‍സില്‍ യോഗത്തില്‍ എന്തെങ്കിലും കടുത്ത തീരുമാനം ഉണ്ടായാല്‍ ദളിന്റെ അഞ്ച്‌ എംഎല്‍എമാരില്‍ ഭൂരിപക്ഷവും പാര്‍ട്ടിയെ പിളര്‍ത്തി ഇടത്‌ മുന്നണിയ്‌ക്കൊപ്പം നില്‌ക്കുമെന്നാണ്‌ കരുതപ്പെടുന്നത്‌.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X