രാജിക്കത്ത് ഗവര്ണര്ക്ക് കൈമാറണം
തിരുവനന്തപുരം: തന്റെ രാജി ഉടന് തന്നെ സ്വീകരിയ്ക്കണമെന്ന് ഗതാഗത വകുപ്പ് മന്ത്രിയായിരുന്ന മാത്യു ടി തോമസ് മുഖ്യമന്ത്രി വിഎസ് അച്യുതാനന്ദനോട് ആവശ്യപ്പെട്ടു. രാജിക്കത്ത് ഗവര്ണര്ക്ക് ഉടന് കൈമാറണമെന്നും അദ്ദേഹം അഭ്യര്ത്ഥിച്ചു.
ജനതാദളിലെ ഒരു വിഭാഗം പ്രവര്ത്തകര് എല്ഡിഎഫിനൊപ്പം നില്ക്കുകയാണെന്നും അതിനാലാണ് മന്ത്രിയുടെ രാജി സ്വീകരിയ്ക്കാന് വൈകുന്നതെന്നും ആരോപണം ഉയര്ന്നിരുന്നു. ഈ സാഹചര്യത്തിലാണ് തന്റെ രാജി ഉടന് സ്വീകരിയ്ക്കണമെന്ന് മാത്യു ടി തോമസ് ആവശ്യപ്പെട്ടിരിയ്ക്കുന്നത്.
രാജിക്കത്ത് നേരത്തെ തന്നെ മുഖ്യമന്ത്രിക്ക് കൈമാറിയിരുന്നെങ്കിലും മുന്നണിയില് ദള് ബന്ധത്തെക്കുറിച്ച് അനിശ്ചിതത്വം നിലനിന്നിരുന്നതിനാല് രാജിക്കത്ത് കൈമാറിയിരുന്നില്ല. വ്യാഴാഴ്ച ചേര്ന്ന ഇടത് മുന്നണി യോഗവും രാജിക്കാര്യം ചര്ച്ച ചെയ്തിരുന്നില്ല.
താനിപ്പോഴും പാര്ട്ടിയ്ക്കൊപ്പം ഉറച്ചു നില്ക്കുന്നു എന്ന് ബോധ്യപ്പെടുത്താനാണ് രാജി ഉടന് സ്വീകരിയ്ക്കണമെന്ന് അദ്ദേഹം ആവശ്യപ്പെട്ടതെന്ന് കരുതുന്നു.