Click it and Unblock the Notifications
Just In
Don't Miss
-
വൈഡ് ലെഗ് ജീന്സ് മുതല് ബഗെറ്റ് ബാഗ് വരെ; ജെന് Z ആഗ്രഹിക്കുന്ന ഫാഷന് എസന്ഷ്യലുകള് ഇവയാണ് -
റസിയക്കാണോ പ്രാധാന്യമെന്ന് കാവ്യക്ക് സംശയം; എന്നെ വിളിച്ചു; ദിലീപ് ഇങ്ങോട്ട് ആവശ്യപ്പെട്ട റോൾ; കമൽ -
7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക് -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
പിസി തോമസ്‌ പുതിയ പാര്‍ട്ടിയുണ്ടാക്കുന്നു
കൊച്ചി: കേരളാ കോണ്‍ഗ്രസ്‌ ജോസഫ്‌ ഗ്രൂപ്പ്‌ പിളര്‍ത്തി പി.സി തോമസ്‌ പുതിയ പാര്‍ട്ടിയുണ്ടാക്കുന്നു. എല്‍ഡിഎഫില്‍ നിന്നുകൊണ്ടുതന്നെ പുതിയ പാര്‍ട്ടിയുണ്ടാക്കാനാണ്‌ തോമസിന്റെ ശ്രമമെന്ന്‌ റിപ്പോര്‍ട്ടുകള്‍ സൂചിപ്പിക്കുന്നു.
തോമസിന്റെ കൊച്ചിയിലെ വീട്ടില്‍ ചേര്‍ന്ന പ്രവര്‍ത്തകരുടെ രഹസ്യയോഗത്തില്‍ ഇത്‌ സംബന്ധിച്ച്‌ തീരുമാനമായെന്നാണ്‌ സൂചന. ഐഎഫ്‌ഡിപി വിട്ടുവന്ന നേതാക്കളും പ്രവര്‍ത്തകരും ഉള്‍പ്പെടുന്ന മുന്നൂറോളം പേരാണ്‌ യോഗത്തില്‍ പങ്കെടുത്തത്‌.
യഥാര്‍ത്ഥ കേരള കോണ്‍ഗ്രസ്‌(ജെ) താന്‍ നേതൃത്വം നല്‍കുന്ന വിഭാഗമാണെന്ന്‌ പാര്‍ട്ടി സെക്രട്ടറി ജനറല്‍ കൂടിയായ പിസി തോമസ്‌ പറഞ്ഞു. പാലാഴി ടയര്‍ കമ്പനിയുമായി ബന്ധപ്പെട്ട്‌ കെഎം മാണി നടത്തിയ അഴിമതി കോട്ടയം മണ്ഡലത്തില്‍ പ്രചാരണ ആയുധമാക്കുമെന്നും അദ്ദേഹം അറിയിച്ചു.
എല്‍ഡിഎഫിനെ സഹായിക്കാനാണ്‌ പാലാഴി അഴിമതി ഞാന്‍ ഉന്നയിച്ചത്‌. എന്നാല്‍ ഇത്‌ അംഗീകരിക്കാതിരുന്ന പാര്‍ട്ടി ചെയര്‍മാന്‍ പിജെ ജോസഫ്‌ മാണിയെ പരോക്ഷമായി സ്വീകരിക്കുന്ന നിലപാടാണ്‌ സ്വീകരിച്ചത്‌. പാലാഴി ടയേഴ്‌സ്‌ അഴിമതിയെക്കുറിച്ച്‌ കെ.എം മാണിയുമായി സംവാദത്തിന്‌ തയ്യാറാണ്‌.
എല്‍ഡിഎഫിന്‌ അനുകൂലമായി പ്രധാനപ്പെട്ടകാര്യം പുറത്തുപറഞ്ഞപ്പോള്‍ സ്വന്തം പാര്‍ട്ടി എനിക്കെതിരായി പ്രതികരിക്കുന്നതെന്തിനാണെന്ന്‌ അറിയില്ല. അഴമതിയെ എതിര്‍ക്കുന്ന ആര്‍ക്കും എന്നോടൊപ്പം നില്‍ക്കാം- അദ്ദേഹം പറഞ്ഞു.
ലോക്‌സഭാ തിരഞ്ഞെടുപ്പില്‍ മത്സരിക്കില്ലെന്നും അദ്ദേഹം അറിയിച്ചു. പുതിയ പാര്‍ട്ടി സംബന്ധിച്ച്‌ പ്രവര്‍ത്തകരുമായി കൂടിയാലോചിച്ച്‌ തീരുമാനമെടുക്കും. കൂടുതല്‍ വിവരങ്ങള്‍ പിന്നീട്‌ അറിയിക്കുന്നമെന്നും പിസി തോമസ്‌ പറഞ്ഞു.
പി.സി തോമസ്‌ നടത്തിയ കര്‍ഷകസംഗമം ഉല്‍പ്പെടെയുള്ള കാര്യങ്ങള്‍ ജോസഫ്‌ ഗ്രൂപ്പില്‍ ഭിന്നിപ്പുണ്ടാക്കിയിരുന്നു. തനിക്കും തന്നോടൊപ്പം വന്നവര്‍ക്കും പാര്‍ട്ടിയില്‍ അര്‍ഹമായ പ്രാധാന്യം ലഭിക്കുന്നില്ലെന്ന്‌ തോമസ്‌ കഴിഞ്ഞ ദിവസവും പരാതി പറഞ്ഞിരുന്നു.
