• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

പാകിസ്‌താനിയാണെന്ന്‌ കസബ്‌ സമ്മതിച്ചു

  • By Staff

മുംബൈ: മുംബൈയിലെ തീവ്രവാദി ആക്രമണത്തിനിടെ പിടിയിലായ അജ്‌മല്‍ കസബ്‌ താന്‍ പാകിസ്‌താന്‍ സ്വദേശിയാണെന്ന്‌ കോടതിയില്‍സമ്മതിച്ചു.

തന്റെ കേസ്‌ വാദിക്കാന്‍ അഭിഭാഷകരെ ഏര്‍പ്പാടാക്കിത്തരണമെന്ന്‌ കസബ്‌ കോടതിയില്‍ അഭ്യര്‍ത്ഥിച്ചിട്ടുണ്ട്‌. 2008 നംവബര്‍ 26ന്‌ നടന്ന തീവ്രവാദി ആക്രമണക്കേസിന്റെ വിചാരണ തിങ്കളാഴ്‌ചയാണ്‌ പ്രത്യേക കോടതിയില്‍ തുടങ്ങിയത്‌.

ജഡ്‌ജി എം.എല്‍ തഹലിയാനി വീഡിയോ കോണ്‍ഫറന്‍സ്‌ സംവിധാനത്തിലൂടെയാണ്‌ വിചാരണ നടത്തിയത്‌. 11,000 പേജുള്ള കുറ്റപത്രത്തിന്റെ പകര്‍പ്പ്‌ വിചാരണയ്‌ക്കിടെ കസബിന്‌ കൈമാറി.

ഈ കേസിലെ ജഡ്‌ജിയാണ്‌ താനെന്ന്‌ വിചാരണയുടെ തുടക്കത്തില്‍ തെഹലിയാനി കസബിനോട്‌ പറഞ്ഞു. ഉടന്‍ കസബ്‌ നമസ്‌തേ എന്നാണ്‌ മറുപടി നല്‍കിയത്‌. ഒരു അഭിഭാഷകനും ഇതേവരെ ഇയാള്‍ക്കുവേണ്ടി ഹാജരായിട്ടില്ലെന്ന്‌ സ്‌പെഷ്യല്‍ പ്രോസിക്യൂട്ടര്‍ ഉജ്വല്‍ നിഗം കോടതിയെ അറിയിച്ചു.

അഭിഭാഷകനെ നിയമിക്കുന്നതിന്റെ ചിലവ്‌ വഹിക്കുവാന്‍ കഴിയുമോയെന്ന ജഡ്‌ജിയുടെ ചോദ്യത്തിന്‌ കസബ്‌ മറുപടി നല്‍കിയില്ല. എന്നാല്‍ താന്‍ പാകിസ്‌താനിലെ ഫരീദ്‌കോട്ട്‌ സ്വദേശിയാണെന്നകാര്യം കസബ്‌ സമ്മതിച്ചു.

കേസിലെ കൂട്ടുപ്രതികളായ രണ്ട്‌ ലഷ്‌കര്‍ ഇ തൊയ്‌ബ പ്രവര്‍ത്തകരെയും തിങ്കളാഴ്‌ച വീഡിയോ കോണ്‍ഫറന്‍സ്‌ സംവിധാനം വഴി വിചാരണ ചെയ്‌തു. ജഡ്‌ജിയുടെ പ്രത്യേക നിര്‍ദ്ദേശപ്രകാരമാണ്‌ രാവിലെ നടന്ന വിചാരണ നടപടികളുടെ വിശദാംശങ്ങള്‍ മാധ്യമങ്ങള്‍ക്ക്‌ നല്‍കിയത്‌.

ആര്‍തര്‍ റോഡ്‌ ജയിലിലെ പ്രത്യേകം തയ്യാറാക്കിയ കോടതി മുറിയിലാണ്‌ വിചാരണ നടക്കുന്നത്‌. മുംബൈ പൊലീസ്‌, ഇന്റോ-ടിബറ്റന്‍ ബോര്‍ഡര്‍ പൊലീസ്‌ എന്നിവരുടെ നേതൃത്വത്തിലുള്ള കനത്ത സുരക്ഷാ സന്നാഹത്തോടെയാണ്‌ വിചാരണ നടപടികള്‍ നടക്കുന്നത്‌.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more