Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
സന്തോഷ്‌ മാധവന്‍ കേസ്‌: സാക്ഷികള്‍ കൂറുമാറി
കൊച്ചി: സന്തോഷ്‌ മാധവനെതിരെയുള്ള കേസില്‍ നാലു സാക്ഷികള്‍ കൂറുമാറി. സന്തോഷ്‌ മാധവന്‍ ലൈംഗികമായി പീഡിപ്പിച്ചുവെന്ന്‌ പ്രോസിക്യൂഷന്‍ കണ്ടെത്തിയ പെണ്‍കുട്ടികളില്‍ സാക്ഷികളായെത്തിയ നാലുപേരാണ്‌ കൂറുമാറി പ്രതിഭാഗം ചേര്‍ന്നത്‌.
പ്രായപൂര്‍ത്തിയാകാത്ത ഒരു പെണ്‍കുട്ടിയെയും സ്വാമി അമൃതചൈതന്യ എന്ന സന്തോഷ്‌ മാധവന്‍ ബലാല്‍സംഗം ചെയ്‌തുവെന്നാണ്‌ പൊലീസ്‌ കേസ്‌. 2008 മെയ്‌ മാസത്തിലാണ്‌ സന്തോഷ്‌ മാധവന്‍ അറസ്‌റ്റിലായത്‌.
ഈ കേസില്‍ സുപ്രീം കോടതി വരെ പോയിട്ടും സന്തോഷിന്‌ ജാമ്യം ലഭിച്ചിരുന്നില്ല. സാക്ഷിയായി എത്തിയ രണ്ട്‌ പ്രായപൂര്‍ത്തിയാകാത്തവരും ഒരു പ്രായപൂര്‍ത്തിയായ പെണ്‍കുട്ടിയുമാണ്‌ പ്രോസിക്യൂഷന്റെ ആരോപണങ്ങള്‍ക്ക്‌ പിന്തുണ നല്‍കാതെ കൂറുമാറി പ്രതിഭാഗം ചേര്‍ന്നത്‌.
ഇതേത്തുടര്‍ന്ന്‌ ഇവരെ പ്രോസിക്യൂഷന്‍ എതിര്‍വിസ്‌താരം നടത്തി. വിചാരണ രഹസ്യമായിട്ടാണ്‌ നടക്കുന്നത്‌ അതിനാല്‍ ഇവരുടെ മൊഴികള്‍ ലഭ്യമല്ല. ലൈംഗിക പീഡനത്തിന്‌ വിധേയരായവര്‍ കൂറുമാറിയത്‌ അന്വേഷണ സംഘത്തെ ആശയക്കുഴപ്പത്തിലാക്കിയിരിക്കുകയാണ്‌.
സാക്ഷികള്‍ കൂറുമാറിയതിനാല്‍ തുടര്‍ നടപടികള്‍ എങ്ങനെ നടത്തണമെന്ന്‌ ആഭ്യന്തരവകുപ്പ്‌ നിയമോപദേശം തേടാന്‍ തീരുമാനിച്ചതായി റിപ്പോര്‍ട്ടുകള്‍ സൂചിപ്പിക്കുന്നു. പ്രോസിക്യൂഷന്‍ ഭാഗത്തുനിന്നും അമ്പതോളം സാക്ഷികളുണ്ട്‌. ഇനി നാല്‍പതോളം പേരെക്കൂടി വിസ്‌തരിക്കാനുണ്ട്‌.
ബലാല്‍സംഗത്തിന്‌ വിധേയരായ നാല്‌ പെണ്‍കുട്ടികള്‍ കേസ്‌ അന്വേഷണോദ്യോഗസ്ഥര്‍ക്ക്‌ മുമ്പാകെ നല്‍കിയ മൊഴി കോടതിയില്‍ ഹാജരാക്കിയിരുന്നു. എന്നാല്‍ സാക്ഷികളില്‍ മൂന്നുപേര്‍ അക്കാര്യം അംഗീകരിച്ചില്ല. ഒരു പെണ്‍കുട്ടി മാത്രമാണ്‌ മൊഴിയ്‌ക്ക്‌ പിന്തുണ നല്‍കിയത്‌. എറണാകുളം അഡീഷണല്‍ സെഷന്‍സ്‌ കോടതിയിലാണ്‌ കേസ്‌ വിചാരണ നടക്കുന്നത്‌.
